పర్యాటకం కావాలో... పలాయనం కావాలో తేల్చుకోండి: ఉత్తరాఖండ్లో ప్రధాని మోడీ ప్రచారం
డెహ్రూడన్: ఉత్తరాఖండ్ అసెంబ్లీ ఎన్నికలకు మరికొద్ది రోజులే ఉండటంతో ప్రధాని నరేంద్ర మోడీ రాష్ట్రంలో విస్తృత ప్రచారం చేస్తున్నారు. ఉత్తరాఖండ్ రాష్ట్రంలోని అల్మోరాలో నిర్వహించిన హైబ్రిడ్ ర్యాలీలో మాట్లాడుతూ.. విపక్షాలపై విమర్శల దాడి చేశారు.
నిన్న(గురువారం) జరిగిన యూపీ ఎన్నికల్లో తొలి దశ పోలింగ్ ముగిసిన తర్వాత బీజేపీ రికార్డు స్థాయిలో విజయం సాధిస్తుందని స్పష్టం చేశారు ప్రధాని మోడీ. ఈ ఎన్నికల్లో బీజేపీని గెలిపించాలని మనకంటే ప్రజలే కృతనిశ్చయంతో ఉన్నారని, మంచి ఉద్దేశం ఉన్నవారిని ఓటర్లు ఎప్పటికీ వదిలిపెట్టరని ఆయన అన్నారు.
రానున్న ఎన్నికల్లో బీజేపీకి ఓటు వేయాలని ప్రజలను కోరుతూ.. ఈ దశాబ్దం ఉత్తరాఖండ్కు చెందినదని, ఈ అవకాశాన్ని వదులుకోవద్దని ప్రధాని మోడీ అన్నారు.
ఇటీవల రాష్ట్రంలో రూ.17 వేల కోట్లతో ప్రాజెక్టులు ప్రారంభమయ్యాయి. చార్ ధామ్ ఆల్-వెదర్ రోడ్డు తనక్పూర్-పితోర్ఘర్ సెక్షన్కు ప్రయోజనం చేకూరుస్తుంది.
ఉత్తరాఖండ్ ప్రజల శక్తి, చిత్తశుద్ధి, చిత్తశుద్ధిని తాను గుర్తిస్తున్నానని ప్రధాని అన్నారు. కొండ ప్రాంతాల కోసం ప్రభుత్వ ప్రణాళిక గురించి మాట్లాడుతూ.. 'ఈ కేంద్ర బడ్జెట్లో, కొండ ప్రాంతాలకు రోప్వేలను నిర్మించడానికి మేము 'పర్వతమాల పథకాన్ని' ప్రతిపాదించాము. మేము రాష్ట్రంలో ఆధునిక రహదారులను, రవాణా మౌలిక సదుపాయాలను నిర్మిస్తాం' అని ప్రధాని మోడీ చెప్పారు.
రాష్ట్ర ప్రభుత్వం నుంచి ప్రజలు ఏమి కోరుకుంటున్నారని ప్రజలను అడిగిన ప్రధాని మోడీ.. "మార్చి 10 తర్వాత, ఉత్తరాఖండ్లో పర్యాటక రంగాన్ని మరింత అభివృద్ధి చేయడానికి ధామీ జీ ప్రభుత్వం దూకుడుగా పని చేస్తుంది. మీరు (ప్రజలు) అధికారంలో ఉండాలనుకుంటున్నారో లేదో నిర్ణయించుకోవాలి. 'పర్యతన్' (పర్యాటకం) లేదా 'పలయన్' (వలస)" కావాలో తేల్చుకోవాలని ప్రధాని మోడీ అన్నారు.
రిషికేశ్-కర్ణప్రయాగ్ రైలు మార్గం ప్రాజెక్టు పనులు కొనసాగుతున్నాయని, రాబోయే కాలంలో తనక్పూర్-బాగేశ్వర్ రైల్వే లైన్ కల ఖచ్చితంగా నెరవేరుతుందని, దానిని నెరవేరుస్తామని ప్రధాని మోడీ అన్నారు.
కాంగ్రెస్ పార్టీ ఏమైందో చూడండి... అన్నదమ్ములిద్దరూ ప్రచారం చేసుకుంటున్నారని.. వారికి పార్టీలో వేరే నాయకులు లేరా.. ఈరోజు సొంత నేతలే అక్కర్లేదని కాంగ్రెస్ పార్టీని ఉద్దేశించి ప్రధాని మోడీ అన్నారు. వారు పార్టీతోనే కలిసి ఉండలేకపోతున్నారు.. అలాంటప్పుడు, వారు మీకు ఏమైనా ఎలా ఇస్తారు?' అని ప్రధాని నరేంద్ర మోడీ ప్రవ్నించారు.
Click it and Unblock the Notifications
Sign in with Google