సెంట్రల్ మిచిగాన్ వర్సిటీలో కాల్పులు: ఇద్దరు మృతి, భారీ ఆయుధాలతో దుండగుడు
చికాగో: అమెరికాలో విద్యాలయాల్లో జరుగుతున్న వరుస కాల్పుల ఘటనలో ఆందోళనలకు గురిచేస్తున్నాయి. తాజాగా, సెంట్రల్ మిచిగాన్ యూనివర్సిటీ వసతి గృహాల సమీపంలో శుక్రవారం ఓ దుండగుడు కాల్పులకు తెగబడ్డాడు. ఈ కాల్పుల్లో ఇద్దరు వ్యక్తులు మృతి చెందారు.
సమాచారం అందుకున్న పోలీసులు.. హుటాహుటిన అక్కడికి చేరుకుని నిందితుడి కోసం గాలింపు చర్యలు చేపట్టారు. భారీ ఆయుధాలతో వచ్చిన దుండగులు కాల్పులకు తెగబడినట్లు ప్రత్యక్ష సాక్షులు చెబుతున్నారు. దీంతో విద్యార్థులు పరుగులు పెట్టి భవనాల్లోకి వెళ్లిపోయారని చెప్పారు.
కాల్పులకు తెగబడినది 19ఏళ్ల యువకుడేనని పోలీసులు గుర్తించారు. అతని వద్ద ప్రమాదకరమైన ఆయుధాలున్నట్లు చెప్పారు. కాగా, ఫ్లోరిడా హైస్కూల్లో రెండు వారాల క్రితమే దుండగుడు జరిపిన కాల్పుల్లో 17మంది విద్యార్థులు, ఉపాధ్యాయులు మృతి చెందిన విషయం తెలిసిందే.
Click it and Unblock the Notifications
Sign in with Google