వివాదం: లండన్లో భారత్ రాయబారి కార్యక్రమంలో మాల్యా
లండన్: బ్యాంకుల నుంచి తీసుకున్న రుణాలను తిరిగి చెల్లించడంలో విఫలమైన కింగ్ ఫిషర్ ఎయిర్లైన్స్ మాజీ ఛైర్మన్ విజయ్ మాల్యా లండన్ పారిపోయిన తర్వాత మీడియాలో ఏవేవో వార్తలు వినిపించిన సంగతి తెలిసిందే. అయితే లండన్లో జరిగిన ఓ కార్యక్రమంలో మాల్యా ప్రత్యక్ష్యంగా కనిపించారు.
అది కూడా భారత రాయబాలి లండన్లో నిర్వహించిన కార్యక్రమంలో కనిపించారు. వివరాల్లోకి వెళితే... లండన్లో 'మంత్రాస్ ఫర్ సక్సెస్-ఇండియాస్ గ్రెటెస్టే సీఈఓస్ టెల్ యు హౌ టు విన్' అనే పుస్తకావిష్కరణ కార్యక్రమం జరిగింది. జర్నలిస్ట్ సన్నీ సేన్తో కలిసి రచయిత సుహేల్ సేథ్ ఈ పుస్తకాన్ని రచించారు.
లండన్ స్కూల్ ఆఫ్ ఎకనామిక్స్లో గురువారం జరిగిన ఈ పుస్తకావిష్కరణ కార్యక్రమానికి భారత హై కమిషనర్ నవతేజ్ సర్నా తదితరులు హాజరయ్యారు. ఈ పుస్తకావిష్కరణ కార్యక్రమంపై చయిత సుహేల్ సేథ్ తన ట్విట్టర్లో స్పందించారు. ఈ పుస్తకావిష్కరణ కార్యక్రమానికి మాల్యా హాజరయ్యారని, ప్రేక్షకుల్లో కూర్చున్నారని ఆయన ట్వీట్ చేశారు.
ఈ కార్యక్రమం ఓపెన్ ఈవెంట్ అని ప్రత్యేకించి ఎవరికీ ఆహ్వానాలు పంపించలేదని, ట్విట్టర ద్వారా మాత్రమే ప్రచారం చేశామని ఆయన చెప్పుకొచ్చారు. ఎవరైనా ఈ కార్యక్రమానికి హాజరుకావచ్చని చెప్పామని... దీంతో మాల్యా ఈ కార్యక్రమానికి వచ్చారని, ప్రేక్షకుల్లో కూర్చుని కార్యక్రమాన్ని చూశారని ట్వీట్ చేశారు.
విజయ్ మాల్యా ప్రేక్షకుల్లో ఉండడాన్ని చూసిన బ్రిటిష్ భారత హై కమిషనర్ నవతేజ్ సర్నా పుస్తకావిష్కరణ కార్యక్రమంలో Q&A పూర్తికాకముందే అసంతృప్తిని వ్యక్తం చేస్తూ మధ్యలోనే వెళ్లిపోయారని సేథ్ పేర్కొన్నారు. కింగ్ ఫిషర్ ఎయిర్లైన్స్ను స్థాపించి బ్యాంకులకు రూ. 9 వేల కోట్లు రుణాలు తిరిగి చెల్లించడంలో విఫలమైన మాల్యా భారత్లో విచారణను ఎదుర్కొంటున్నారు.
ఇంటర్ పోల్ సాయంతో మాల్యాకు రెడ్ కార్నర్ నోటీసులు ఇప్పించే దిశగా ఎన్ఫోర్స్మెంట్ డైరెక్టరేట్ ప్రయత్నిస్తోన్న సంగతి తెలిసిందే. ఇప్పటికే విజయ్ మాల్యా పాస్ పోర్టును భారత విదేశాంగ శాఖ సీజ్ చేసింది.
About @TheVijayMallya at my book launch. It was an open @SAsiaLSE & advertised on Twitter. No specific invitations. Anyone could attend.
— SUHEL SETH (@suhelseth) June 18, 2016
😜😜😜😜😜 https://t.co/zobZgUFMXg
— SUHEL SETH (@suhelseth) June 18, 2016
Er, really? Where is it implied? https://t.co/Jutki72uYE said @NavtejSarna was embarrassed by Mallaya presence! https://t.co/sR4SBwfr6m
— swati chaturvedi (@bainjal) June 18, 2016
@MukulikaB @hemantsarin @bainjal @SAsiaLSE The query was becoz it was being implied that Sarna knew Mallya would attend.
— Reshmi Dasgupta (@ReshmiDG) June 18, 2016
Click it and Unblock the Notifications
Sign in with Google