సముద్రతీరంలో ఏలియన్ల సైన్యం! భూమిపై అటాక్ జరగనుందా?!

పసిఫిక్ సముద్రతీరంలో ఏలియన్ బేస్ కు సంబంధించి సెక్యూర్ టీం 10 అనే వెబ్ సైట్ ప్రచురించిన చిత్రాలు, వీడియోలు ఇప్పుడు సోషల్ మీడియాలో పెద్ద అలజడి సృష్టిస్తున్నాయి.

కాలిఫోర్నియా: పసిఫిక్ సముద్రతీరంలో ఏలియన్ సైన్యానికి చెందిన బేస్ ఇప్పుడు సోషల్ మీడియాలో అలజడి సృష్టిస్తోంది. కాలిఫోర్నియాకు చేరువలోని పసిఫిక్ తీరంలో ఇందుకు సంబంధించిన చిత్రాలను సెక్యూర్ టీం 10 అనే వెబ్ సైట్ ప్రచురించింది.

ఈ ఏలియన్ బేస్ విస్తీర్ణం దాదాపు 2 మైళ్లకు పైగా ఉందని ఆ చిత్రాలను పరిశీలించిన నిపుణులు పేర్కొంటున్నారు. ఏలియన్లు అటుగా ప్రయాణించి ఉండొచ్చని లేదా భవిష్యత్తులో భూమిపై దాడికి వ్యూహ రచన కోసం వచ్చి ఉండొచ్చనే ఊహాగానాలు వ్యక్తమవుతున్నాయి.

పసిఫిక్ మహాసముద్రంలో తలదాచుకుంటూ ఈ వ్యూహాన్ని వారు కొనసాగిస్తూ ఉండొచ్చని కూడా మరికొందరు పేర్కొంటున్నారు. నిజానికి ప్రపంచవ్యాప్తంగా కొన్నేళ్లుగా ఈ ఏలియన్స్ గురించి పరిశోధనలు జరుగుతూనే ఉన్నాయి.

ప్రముఖ శాస్త్రవేత్త స్టీఫెన్ హాకింగ్ విశ్వాంతరాళంలో మరో జీవి కచ్చితంగా ఉందని, వారు సాంకేతికంగా మనకంటే ఎన్నో రెట్లు ముందున్నారని చెప్పిన విషయం తెలిసిందే. అలాగే భూమ్మీద అప్పుడప్పుడూ గుర్తుతెలియని ఎగిరే పళ్లాలు(యూఎఫ్ఓ) కనిపిస్తున్న విషయమూ విదితమే.

ఇప్పుడు సెక్యూర్ టీం 10 సంస్థ ఫొటోలు, వీడియోలు ఇందుకు ధ్రువీకరణగా చూపిస్తోంది. ఇదేగనుక నిజమైతే మన భూమికి, భూమ్మీద నివసిస్తున్న మనకు ఎప్పటికైనా ప్రమాదం తప్పదన్నది నిర్వివాదాంశం.

English summary

An unusual object of surprising size was spotted potentially crawling across the floor of the Pacific Ocean, some 3,000 feet below the surface. The object has a 2.5-mile diameter and some have speculated that it seems artificial. The object has apparently left a 41-mile track behind it, as it rolls along the seabed, offshore of the California coast. The tracks almost resemble those left by tank treads.