ఇండో పసిఫిక్ ప్రాంతంలో అలజడి సృష్టిస్తే ఊరుకోబోమన్న ప్రధాని..చైనాకు స్ట్రాంగ్ వార్నింగ్ ఇచ్చిన మోదీ

భారత్‌లో అభివృద్ధి జరిగితేనే ప్రపంచ దేశాలు అభివృద్ధి చెందుతాయని, భారత్‌లో సంస్కరణలు జరిగితేనే ప్రపంచదేశాలు రూపాంతరం చెందుతాయని చెప్పారు ప్రధాని నరేంద్ర మోదీ. 76వ ఐక్యరాజ్యసమితి సర్వసభ్య సమావేశాల్లో ప్రసంగించిన ప్రధాని మోదీ చైనాకు గట్టి వార్నింగ్ పంపారు. ఇండో పసిఫిక్ ప్రాంతంలో ఎవరైనా దురాగతాలకు పాల్పడితే ఊరుకునేదిలేదని తేల్చి చెప్పారు. కరోనా కట్టడిలో భారత్ విజయం సాధించిందని చెప్పిన మోదీ...నాసల్ వ్యాక్సిన్‌ త్వరలోనే భారత్ తీసుకొస్తుందని చెప్పారు. అఫ్గానిస్తాన్‌ గడ్డను ఉగ్రవాదం ప్రమోట్ చేసేందుకు వినియోగించకూడదని ప్రధాని మోదీ చెప్పారు. ఇక శాస్త్రసాంకేతిక రంగంలో భారత్ దూసుకెళుతోందని చెప్పారు. ఇక ఇదే సమయంలో పాకిస్తాన్‌ సరిహద్దుల వద్ద రెచ్చగొట్టే చర్యలు చేపడితే ధీటైన సమాధానం ఇస్తామని మోదీ స్పష్టం చేశారు. అఫ్గానిస్తాన్ మహిళలను పిల్లలను ఆదుకోవాలని ప్రధాని మోదీ ఈ సందర్భంగా ప్రపంచ దేశాలకు పిలుపునిచ్చారు.

English summary

PM Modi who is on US Visit will Address the 76th session of the United General Assembly on saturday.