కండల వీరుడు కావాలని మృత్యువుతో పోరాటం (ఫోటోలు)

Updated: Wednesday, May 6, 2015, 12:00 [IST]

బ్రెజిల్: అతని వయస్సు 25 సంవత్సరాలు, అప్పటికే మృత్యువు అంచులదాక వెళ్లి వచ్చాడు. చేసిన తప్పు తెలుసుకుని ఇప్పుడు జిమ్ చేస్తు బాడి బిల్డప్ చేసుకునే వారికి నీతులు చెబుతున్నాడు. బ్రిజిల్ కు చెందిన రొమారియో డాస్ (25) ఇప్పుడు ఆరోగ్యం కాపాడుకోవడం కోసం పడరాని పాట్లు పడుతున్నాడు.

బ్రెజిల్ లోని కాల్డాస్ నోవాస్ ప్రాంతానికి చెందిన రొమారియో డాస్ బాడిగార్డ్ గా పని చేస్తున్నాడు. ఇతనికి కండలు పెంచాలని పిచ్చి పట్టింది. ఎలాగైనా కండలవీరుడు అనిపించుకొవాలని నిర్ణయించుకున్నాడు. అతని భార్య ఆరు నెలల గర్బవతిగా ఉన్న సమయంలో కఠిన నిర్ణయం తీసుకున్నాడు.

సింతటిక్ ఫిల్లర్ సింధాల్, ఆల్కాహాల్ ను నోటి ద్వారా కాకుండా ఇంజక్షన్ల రూపంలో శరీరంలోకి పంపించడం మొదలు పెట్టాడు. కండలు పెరిగిపోయాయి. రానురాను ఇంజక్షన్ లు శరీరంలోకి వెళ్లలేనంత దృఢంగా తయారయ్యాడు. 25 అంచుల మేరకు కండలు పెరిగిపోయాయి. చివరికి అతనికే భయం అయ్యింది. వెంటనే డాక్టర్ల దగ్గరకు వెళ్లాడు.

డాక్టర్లు అతనిని మందలించి మంచి మాటలు చెప్పారు. సింధాల్ విదానానికి చెక్ పెట్టమని చెప్పారు. అనారోగ్యంతో నానా తంటాలు పడ్డాడు. డాక్టర్లు చేతులు ఎత్తేశారు. అయితే దేవుడు కరుణించడంతో మృత్యువును జయించాడు. కండలు పెంచుకునే వారు జీవితంతో ప్రయోగాలు చెయ్యారాదని రొమారియో అంటున్నాడు. ఆ ప్రాంతంలో నివాసం ఉంటున్న పిల్లలు ఇతనిని రాక్షసుడు, అడవి మృగం అని పిలుస్తుంటారు.