ఉక్రెయిన్ తో పోరులో రష్యా కు చైనా సాయం ? సైనిక సామాగ్రి కోరిన పుతిన్
ఉక్రెయిన్ పై రష్యా దండయాత్ర మొదలై వారాలు గడుస్తోంది. అయినా ఫలితం మాత్రం రావడం లేదు. ఇప్పటికే ఉక్రెయిన్ నగరాలపై నిత్యం రష్యా బాంబుల మోత మోగిస్తూనే ఉంది.ఆస్పత్రులు, ప్రార్ధనా స్ధలాలు, విద్యాసంస్ధలు.. ఇలా వేటినీ లెక్కచేయకుండా దాడులు చేస్తోంది. అయినా పుతిన్ కు పట్టు చిక్కడం లేదు. దీంతో ఆయన కొత్త అస్త్రాలు, కొత్త సాయాల కోసం ఎదురుచూస్తున్నట్లు తెలుస్తోంది.
ఉక్రెయిన్ తో జరుగుతున్న పోరులో సైనిక సామాగ్రి సాయం చేయాలని రష్యా .. తాజాగా చైనాను కోరినట్లు తెలుస్తోంది. ఈ మేరకు యూఎస్ అత్యున్నత స్ధాయి అధికారి ఒకరు నిర్ధారించారు. ఓవైపు ఉక్రెయిన్ తో చర్చల పేరుతో డ్రామా చేస్తూన్న రష్యా.. మరోవైపు చైనా నుంచి సైనిక సామాగ్రి కోరడంపై అనుమానాలు వ్యక్తమవుతున్నాయి. అదీ యూఎస్, చైనా ప్రభుత్వాలతో ఇవాళ చర్చలు జరగనున్న నేపథ్యంలో రష్యా ఇలా సైనిక సామాగ్రి సాయం కోరడంపై విమర్శలు వినిపిస్తున్నాయి.
ఉక్రెయిన్పై దాడి చేయడానికి చైనా సైనిక సామగ్రిని ఉపయోగించమని రష్యా కోరినట్లు యుఎస్ అధికారి ధృవీకరించారు.ఈ అభ్యర్థన యూఎస్, చైనా ప్రభుత్వాలకు- అగ్ర సహాయకుల మధ్య రోమ్లో సోమవారం సమావేశానికి ముందు జరుగుతున్న యుద్ధంపై ఉద్రిక్తతలను పెంచిందని భావిస్తున్నారు. అలాగే రష్యాకు చైనా ఆర్థిక సహాయం అందించే అవకాశం యూఎస్ అధ్యక్షుడు జో బిడెన్కు ఆందోళన కలిగిస్తున్నట్లు తెలుస్తోంది.
Recommended Video
ఉక్రెయిన్తో కొనసాగుతున్న యుద్ధంలో ముందుకు సాగడానికి రష్యా సైనిక పరికరాలతో సహా చైనా నుండి మద్దతును ఇటీవలి రోజుల్లో అభ్యర్థించిందని చెప్పారు.అయితే రష్యా చైనాకు చేసిన అభ్యర్థన పరిధిపై మాత్రం సదరు అధికారి వివరాలను వెల్లడించలేదు. ఈ అభ్యర్థనను మొదట ఫైనాన్షియల్ టైమ్స్, ది వాషింగ్టన్ పోస్ట్ కథనాల రూపంలో ఇచ్చాయి.
Click it and Unblock the Notifications
Sign in with Google