పాన్ కేక్ లు తినే పోటీ.. మధ్యలో పొలమారింది.. ప్రాణమే పోయింది

తిండి పోటీల్లో పాల్గొని.. ప్రైజ్ గెలవాలనే ఆతృతతో మితిమీరి పాన్ కేక్ లు తిన్న ఓ యువతి అవి గొంతుకు అడ్డం పడడంతో ప్రాణాలు కోల్పోయింది.

న్యూయార్క్: ఆహారం.. మితంగా తింటే ఆరోగ్యం, అమితంగా తింటే అనారోగ్యం, ఆ స్థాయిని కూడా దాటి ఇష్టమొచ్చినట్లు లాగించేస్తే... ప్రాణాంతకం. ఏంటీ తిండి తిని ఎవరైనా చచ్చిపోతారా..? అని ఆశ్చర్యపోకండి.

న్యూయార్క్‌లో అలాగే జరిగింది. తిండి పోటీల్లో పాల్గొని.. ప్రైజ్ గెలవాలనే ఆతృతతో మితిమీరి తిన్న ఓ యువతి ప్రాణాలు కోల్పోయింది. న్యూయార్క్‌లోని శాక్రెడ్ హార్ట్ యూనివర్సిటీలో పాన్‌కేక్‌లను తినే పోటీ నిర్వహించారు.

అందరూ ఉత్సాహంగా ఈ కార్యక్రమంలో పాల్గొన్నారు. అందరిలాగానే కైట్లిన్ నెల్సన్ అనే 20 ఏళ్ల యువతి కూడా ఈ పోటీలో పాల్గొంది. పోటీ ప్రారంభమైన కొద్దిసేపటికి కొన్ని కేకులు తిన్న ఆమె ఆ తరువాత వేగంగా కేకులు తినే ప్రయత్నం చేసింది.

ఉన్నట్లుండి కేక్ గొంతులో అడ్డం పడి పొలమారి, ఊపిరి అందలేదు. దీంతో ఆమెను హుటాహుటిన ఆసుపత్రికి తరలించారు. వైద్యులు ఎంత ప్రయత్నించిన ఫలితం దక్కలేదు. చివరికి ఆ యువతి మృతి చెందిందని వైద్యులు ప్రకటించారు.

దీంతో శాక్రెడ్ హార్ట్ యూనివర్సిటీలో విషాదం నెలకొంది. చనిపోయిన యువతి న్యూజెర్సీ నగరానికి చెందిన విద్యార్థి అని, ఈమె తండ్రి జేమ్స్ నెల్సన్ 9/11 దాడులలో మరణించారని యూనివర్సిటీ అధికారులు వెల్లడించారు.

English summary

A 20 year old college student the daughter of a Port Authority cop killed on Sept. 11 died after choking on pancakes during an eating competition at Sacred Heart University in Connecticut, officials said. Caitlin Nelson, of Clark, New Jersey, who served as the vice president of community service at the school’s Kappa Delta sorority, was taking part in the Greek life eating contest last Thursday when she began choking after eating four or five pancakes, witnesses told police.