సిరియాకు ట్రంప్‌ షాక్: 200 మిలియన్ డాలర్ల సహయం నిలిపివేత

వాషింగ్టన్: అమెరికా అధ్యక్షుడు డొనాల్డ్ ట్రంప్ సిరియాకు షాకిచ్చారు. ఇప్పటివరకు సిరియాకు అమెరికా ఆర్థిక సహయాన్ని చేస్తోంది. అయితే ఈ సహయాన్ని నిలిపివేస్తున్నట్టు ట్రంప్ ప్రకటించారు. అంతర్యుద్దంతో సిరియా ఇబ్బంది పడుతున్న తరుణంలో అమెరికా అధ్యక్షుడు ట్రంప్ చేసిన ప్రకటన ఆ దేశాన్ని తీవ్ర ఆర్థిక ఇబ్బందులకు నెట్టేసే పరిస్థితి కన్పిస్తోంది.200 మిలియన్ డాలర్ల సహయాన్ని నిలిపివేస్తున్నట్టు అమెరికా ప్రకటించింది.

సిరియా నుండి తమ బలగాలను వెనక్కి రప్పించాలని కూడ అమెరికా నిర్ణయం తీసుకొంది. ఈ మేరకు శనివారం నాడు అమెరికా ప్రభుత్వం తన నిర్ణయాన్ని ప్రకటించింది. సుమారు 200 మిలియన్ డాలర్ల సహయాన్ని నిలిపివేస్తున్నట్టు ప్రకటించింది.

ఈ ఏడాది ఫిబ్రవరి మాసంలో అప్పటి అమెరికా విదేశాంగ శాఖ మంత్రి టిల్లెసర్‌సన్ సిరియా పునర్నిర్మాణం కోసం ఆర్ధిక సహయం చేస్తానని ప్రకటించారు. కానీ, తాజాగా ఈ ప్రకటనపై అమెరికా వెనక్కు తగ్గింది.

ఉగ్రవాదుల దాడులతో పాటు అంతర్యుద్దం కారణంగా దెబ్బతిన్న నగరాల్లో మౌళిక సదుపాయాల కల్పన, రోడ్ల నిర్మాణం, విద్యుత్, నీటి సదుపాయాల కోసం ఈ నిదులను ఉపయోగించనున్నట్టు గతంలో అమెరికా ప్రకటించింది.

అయితే ఈ సహయం చేయడం లేదని ప్రకటించింది. సిరియాలో కొనసాగుతున్న అంతర్యుద్దం కారణంగా సిరియా ప్రభుత్వానికి అనుకూలంగా ఉన్న సిరియన్ డెమోక్రటిక్ దళాలకు సహయంగా సుమారు 2 వేల మంది అమెరికా సైనికులు సిరియాలో పనిచేస్తున్నారు.వీరంతా కూడ స్వదేశానికి చేరుకోనున్నారు.

English summary

President Trump ordered the State Department to freeze $200 million in funds to help recovery efforts in Syria, a sign of the president's growing skepticism over the United States's involvement in the war-torn country.