Zubeen Garg: జుబీన్ గార్గ్ ది హత్యే కాదు..! సింగపూర్ పోలీసుల సంచలనం..!

భారత్ కు చెందిన సింగర్, స్వరకర్త జుబీన్ గార్గ్ గతేడాది అనుమానాస్పద స్ధితిలో సింగపూర్ లోని స్విమ్మింగ్ పూల్ లో శవమై తేలారు. దీంతో ఒక్కసారిగా కలకలం రేగింది. ఆయన్ను భారత్ లో ప్రత్యర్థులే హతమార్చారంటూ అసోంలో బీజేపీ సీఎం హిమంత బిశ్వశర్మతో పాటు ఇతర నేతలు కూడా తీవ్రంగా ప్రచారం చేశారు. ఈ మరణంపై దర్యాప్తు చేసిన సింగపూర్ పోలీసులు ఇవాళ ఆరోజు ఏం జరిగిందో తేల్చేశారు.

గతేడాది సెప్టెంబర్‌లో సింగపూర్‌లో మునిగిపోయిన ప్రముఖ గాయకుడు-గేయ రచయిత జుబీన్ గార్గ్ లైఫ్ జాకెట్‌ను నిరాకరించారని సింగపూర్‌లోని కరోనర్ కోర్టుకు పోలీసులు తెలిపారు. 52 ఏళ్ల గార్గ్ సెప్టెంబర్ 19న ఒక యాచ్ పార్టీతో ఉన్నారు. సింగపూర్‌లో జరిగే నార్త్ ఈస్ట్ ఇండియా ఫెస్టివల్‌లో ప్రదర్శన ఇవ్వడానికి ఒక రోజు ముందు ఆయన మునిగిపోయి చనిపోయారు. ఆయన ముందు లైఫ్ జాకెట్ ధరించినా, తర్వాత దాన్ని తీసేసి సిబ్బంది ఇచ్చిన రెండో లైఫ్ జాకెట్ వేసుకునేందుకు నిరాకరించినట్లు తేలింది.

ఆ తర్వాత పడవలోకి తిరిగి ఈత కొట్టడానికి ప్రయత్నించినప్పుడు కుంగిపోయి ముఖం నీటిలో తేలడం ప్రారంభించిందని అనేక మంది సాక్షులు చూశారని తేల్చారు. గార్గ్‌ను వెంటనే పడవలోకి తిరిగి చేర్చి సీపీఆర్ చేసి బతికించినా అదే రోజు చనిపోయారు. అధిక రక్తపోటు, మూర్ఛ వ్యాధి చరిత్ర ఉన్న గార్గ్..చివరిసారిగా 2024లో ఈ విషయం కోర్టుకు తెలిపారు. సంఘటన జరిగిన రోజున ఆయన మూర్ఛ వ్యాధికి క్రమం తప్పకుండా తీసుకునే మందు తీసుకున్నారా లేదా అనేది అస్పష్టంగా ఉంది. సాక్షుల ఆధారాలు ఆయన నిజంగానే దాన్ని తీసుకున్నారని నిర్ధారించడానికి సరిపోవు అని కోర్టుకు తెలిపారు. సింగపూర్ పోలీసులు అతని మరణంలో ఎటువంటి క్రిమినల్ నేరాన్ని అనుమానించలేదని స్థానిక ఛానల్ నివేదిక పేర్కొంది.