బలంగా వీచిన ఈదురు గాలులు: కొట్టుకుపోయిన బస్సు(వీడియో)

ఖమ్మం: తెలంగాణలోని పలు ప్రాంతాల్లో గత కొద్ది రోజులుగా ఈదురుగాలులతో కూడిన వర్షాలు పడుతున్న విషయం తెలిసిందే. హైదరాబాద్‌లో కూడా భారీ ఈదురుగాలులతో కూడిన వర్షం పడటంతో పలు చోట్ల చెట్లు విరిగిపడ్డాయి. కాగా, ఖమ్మం జిల్లాలోని సత్తుపల్లిలో ఈదురుగాలులు భీభత్సం సృష్టించాయి.

శనివారం సాయంత్రం సత్తుపల్లి ప్రాంతంలో తీవ్రమైన ఈదురుగాలులు వీచాయి. భారీగా గాలులు వీచడంతో పలు చోట్ల చెట్లు కూలిపోయాయి. కాగా, సత్తుపల్లి ప్రాంతంలోని మారుతి రెస్టారెంట్ సమీపంలో పార్కింగ్ చేసిన ఓ ప్రైవేటు బస్సు గాలి బీభత్సానికి వెనక్కి కొట్టుకుపోయింది.

గాలులు బలంగా వీయడంతో సుమారు వంద మీటర్ల దూరం వరకు వెళ్లిన ఆ ప్రవేట్ బస్సు.. రోడ్డుకు అవతలవైపు ఉన్న ఓ చెట్టును ఢీకొట్టి ఆగింది. అయితే, బస్సు కొట్టుకుపోయిన సమయంలో ఆ బస్సులో డ్రైవర్ తోపాటు ప్రయాణికులు కూడా లేకపోవడంతో ప్రమాదం తప్పినట్లయింది.

సత్తుపల్లి లో గాలి దుమ్ము తీవ్రతకి డ్రైవర్ లేకుండా బస్ వెనక్కి వెళ్తున్న దృశ్యం pic.twitter.com/C6nf8qJ3Nl

— Anjaneyulu Golusu (@GolusuAnjaneyu2) May 18, 2020

కాగా, ఈ ఘటనకు సంబంధించిన దృశ్యాలను పలువురు వీడియోలు తీసి సోషల్ మీడియాలో పోస్టు చేయడంతో వైరల్‌గా మారాయి. సోమవారం కూడా తెలంగాణలోని కరీంనగర్ తోపాటు పలు జిల్లాల్లో ఈదురుగాలులతో కూడిన వర్షం కురిసింది.

English summary

Heavy winds forced a bus to move back in sathupalli in khammam district.