గూగుల్ పే, ఫోన్ పే ఎడాపెడా వాడేస్తున్నారా?

ఒకప్పుడు నగదు చలామణి ఎక్కువ జరిగేది. కానీ ఇప్పుడు బ్యాంకుకు వెళ్లి డబ్బులు విత్ డ్రా చేసుకోవడం, బయట నగదు ద్వారా లావాదేవీలు జరపడం బాగా తగ్గిపోయింది. కూరగాయలు అమ్మే వాళ్ళ దగ్గర నుంచి ప్రతి ఒక్కరి దగ్గర యూపీఐ చెల్లింపుల వ్యవస్థ వచ్చేసింది. డిజిటల్ చెల్లింపులు వచ్చిన తర్వాత ఇక జేబులో నగదును మెయింటైన్ చేయాల్సిన అవసరం లేకుండా పోయింది. ఎక్కడికి వెళ్లినా ఆన్లైన్ చెల్లింపుల ద్వారానే లావాదేవీలు జరుగుతున్నాయి.

గూగుల్ పే, ఫోన్ పే, పేటియం తెగ వాడేస్తున్నారా?
ముఖ్యంగా గూగుల్ పే, ఫోన్ పే, పేటియం వంటి వాటిని ఎడాపెడా జనాలు వాడేస్తున్నారు. అయితే డిజిటల్ పేమెంట్ విధానం మంచిదే. అయినప్పటికీ ఇది ఒక రకంగా డేంజర్ కూడా అని హెచ్చరిస్తున్నారు ఆర్థిక నిపుణులు. రూపాయి దగ్గరనుంచి వేలల్లో, లక్షల్లో యూపీఐ ద్వారా పేమెంట్లు చేస్తున్నారు. కొంతమంది ఏకంగా రెండు, మూడు యూపీఐ యాప్స్ వినియోగిస్తున్నారు.

లావాదేవీలపై ఆదాయపు పన్ను శాఖ అధికారులు నిఘా

ప్రతిరోజు పదుల సంఖ్యలో ట్రాన్సాక్షన్స్ చేస్తున్నారు. ఎవరికి డబ్బులు ఇవ్వాలన్నా యూపీఐ ద్వారానే, ఎవరైనా తమకు డబ్బులు ఇవ్వాల్సి ఉన్నా యూపీఐ ద్వారానే తీసుకుంటున్నారు. అయితే లెక్కా పత్రం లేకుండా ఇష్టం వచ్చినట్టు యూపీఐ ద్వారా ట్రాన్జక్షన్లు చేసే వారికి ఆర్థిక నిపుణులు హెచ్చరికలు జారీ చేస్తున్నారు. బ్యాంకుఖాతాలో పరిమితికి మించి నగదు జమవడం విత్ డ్రా చేసుకోవడం వంటి వాటిపైన ఆదాయపు పన్ను శాఖ అధికారులు నిఘా పెడుతున్నారు.

బ్యాంకు ఖాతాలలో నగదు పరిమితి ఏడాదికి ఇదే
దీంతో పరిమితికి మించి డబ్బులు యూపీఐ చెల్లింపుల ద్వారా ట్రాన్సాక్షన్ చేస్తే ఐటీ నోటీసులు వచ్చే అవకాశం ఉంటుందని హెచ్చరిస్తున్నారు. అనవసరమైన పన్నులు, పెనాల్టీలు చెల్లించాల్సి వస్తుందని చెబుతున్నారు. ఇన్కమ్ టాక్స్ రూల్స్ ప్రకారం ఒక ఆర్థిక సంవత్సరంలో బ్యాంకు పొదుపు ఖాతాలలో 10 లక్షల రూపాయల వరకు పరిమితి ఉంటుంది. ఈ లిమిట్ దాటి సేవింగ్స్ ఖాతాలో డబ్బులు జమ అయినట్లయితే ఆ వివరాలు ఇన్కమ్ టాక్స్ విభాగానికి వెళ్తాయి.

ఆదాయపు పన్ను నోటీసులు వచ్చే ఛాన్స్
నేరుగా బ్యాంకులో మీ వివరాలను ఇన్కమ్ టాక్స్ శాఖకు తెలియజేస్తాయి. దీంతో మీకు నోటీసులు వచ్చే అవకాశం ఉంటుంది. కాబట్టి ఎడాపెడా గూగుల్ పే, ఫోన్ పే, పేటీఎం ఉన్నాయని వాడకుండా జాగ్రత్తగా ఉండాల్సిన అవసరం ఉంది .లిమిట్ లేకుండా ఇష్టం వచ్చినట్టు డిజిటల్ పేమెంట్స్ ద్వారా డబ్బులు తీసుకున్నా,డబ్బులు ఇచ్చినా తర్వాత ఇబ్బంది పడే అవకాశం ఉందని హెచ్చరిస్తున్నారు.

English summary

Are you using Google Pay, Phone Pay and paytm? income tax vigilence on UPI Transactions. If you crossed your transactions limit more than 10 lakhs for your savings account, you will get notices from Income tax department.