ఇంట్లోకి దూసుకెళ్లిన స్కూల్ బస్సు: గాయాలు
రంగారెడ్డి: జిల్లాలోని హైదర్గూడ ఏజి కాలనీలో ఓ స్కూల్ బస్సు బీభత్సం సృష్టించింది. ఈ ఘటనలో 20మంది విద్యార్థులకు గాయాలయ్యాయి. డ్రైవర్ రాకపోవడంతో స్కూల్ పిఈటి బస్సును నడపడంతోనే ఈ ప్రమాదం జరిగినట్లు తెలుస్తోంది.
ఘటనలో గాయపడిన విద్యార్థులను ఆస్పత్రికి తరలించారు. వారి ఆరోగ్య పరిస్థితి నిలకడగా ఉన్నట్లు తెలిసింది. బస్సు దూసుకెళ్లిన సమయంలో ఆ ఇంట్లో ఎవరూ లేకపోవడం పెద్ద ప్రమాదం తప్పింది.
రోడ్డు ప్రమాదంలో ఇద్దరు బీటెక్ మృతి
వరంగల్ జిల్లాలోని నాయుడు పెట్రోల్ పంప్ వద్ద ఘోర రోడ్డు ప్రమాదం సంభవించింది. ఈ ప్రమాదంలో ఇద్దరు బీటెక్ విద్యార్థులు మృతిచెందారు. మరో ఇద్దరు తీవ్రంగా గాయపడ్డారు. విద్యార్థులు కారులో ప్రయాణిస్తుండగా అదుపుతప్పి చెట్టును ఢీకొంది.
ఈ ఘటనలో కారులో ఉన్న అభినవ్, సందీప్ అనే ఇద్దరు విద్యార్థులు మృతిచెందారు. మరో ఇద్దరు తీవ్రంగా గాయపడ్డారు. క్షతగాత్రులను ఆస్పత్రికి తరలించారు.
పిచ్చి కుక్కల దాడి: 10మందికి గాయాలు
కరీంనగర్లో పిచ్చికుక్కలు స్వైరవిహారం చేసి 10 మంది వ్యక్తులను తీవ్రంగా గాయపర్చాయి. గాయపడ్డ బాధితులను చికిత్స నిమిత్తం వరంగల్ ఎంజీఎం ఆస్పత్రికి తరలించారు. వీరిలో ఇద్దరి పరిస్థితి విషమంగా ఉంది.
Click it and Unblock the Notifications
Sign in with Google