అసెంబ్లీ బడ్జెట్‌ సమావేశాలపై ఉన్నతాధికారులతో సీఎం కేసీఆర్ సమీక్ష ..మార్చిలో వార్షిక బడ్జెట్

తెలంగాణ సీఎం కేసీఆర్ తెలంగాణ బడ్జెట్ సమావేశాల నిర్వహణపై ఉన్నతాధికారులతో సమీక్ష సమావేశం నిర్వహించారు . ఇటీవల కేంద్ర బడ్జెట్ ను ప్రవేశ పెట్టిన నేపథ్యంలో తెలంగాణ అసెంబ్లీ బడ్జెట్ సమావేశాలపై దృష్టి సారించారు సీఎం కేసీఆర్. మార్చి రెండో వారంలో బడ్జెట్ సమావేశాలు నిర్వహించాలని రాష్ట్ర ప్రభుత్వం యోచిస్తున్నట్లుగా తెలుస్తోంది. పార్లమెంట్లో కేంద్ర బడ్జెట్ ప్రవేశ పెట్టిన నేపథ్యంలో రాష్ట్రానికి రానున్న నిధులపై స్పష్టత వచ్చింది. ఇందుకు తగినట్లుగా రాష్ట్ర ప్రభుత్వం వార్షిక బడ్జెట్ రూపొందించే పనిలో పడింది.

బడ్జెట్లో పొందుపర్చాల్సిన అంశాలపై ఉన్నతాధికారులతో సుదీర్ఘ చర్చ జరిపిన కేసీఆర్ఈ మేరకు రాష్ట్ర బడ్జెట్ సమావేశాలకు సంబంధించి ప్రగతి భవన్ లో ఉన్నతాధికారులతో సమీక్ష సమావేశం నిర్వహించారు సీఎం కేసీఆర్. బడ్జెట్లో పొందుపర్చాల్సిన అంశాలపై ఉన్నతాధికారులతో సుదీర్ఘ చర్చ జరిపారు.

కేంద్రం నుంచి రాష్ట్రానికి వచ్చే నిధులు ఎన్ని ? ఖజానాకు సమకూరే సొంత రాబడులు ఎన్ని ? కేంద్ర బడ్జెట్ తర్వాత నిధులు, నిధుల కోత , బడ్జెట్ కేటాయింపుల ప్రాధాన్యత పైన కూడా దృష్టి పెట్టారు. ఇదే సమయంలో రాష్ట్రంలో ప్రాధాన్యతలకు అనుగుణంగా బడ్జెట్ కేటాయింపులు ఉండాలని సీఎం కేసీఆర్ పేర్కొన్నారు.

మార్చి రెండో వారంలో తెలంగాణ అసెంబ్లీ బడ్జెట్ సమావేశాలు

ఈ ఏడాది జనవరిలో అసెంబ్లీ ప్రత్యేక సమావేశాలు నిర్వహించాలని ప్రభుత్వం తొలుత భావించినా, కరోనా వైరస్ విజృంభణ నేపథ్యంలో అసెంబ్లీ ప్రత్యేక సమావేశాలు నిర్వహించి లేకపోయింది. చివరి సారిగా రాష్ట్ర శాసన సభా సమావేశాలు గతేడాది అక్టోబర్ లో జరిగాయి.

వాస్తవానికి అసెంబ్లీ సమావేశాలను ఏప్రిల్ 13 లోగా నిర్వహించటానికి అవకాశం ఉన్నప్పటికీ, 2021- 22 బడ్జెట్ కు మార్చి 31వ తేదీలోగా అసెంబ్లీ ఆమోదం తప్పనిసరిగా తెలపాల్సి ఉంది. ఈ నేపథ్యంలోనే తెలంగాణ రాష్ట్ర వార్షిక బడ్జెట్ తయారీ కసరత్తు పూర్తి చేసి, మార్చి రెండో వారంలో తెలంగాణ అసెంబ్లీ బడ్జెట్ సమావేశాలు నిర్వహించాలని సీఎం కేసీఆర్ భావిస్తున్నారు.

బడ్జెట్ తయారీ ప్రక్రియ పూర్తయితే మార్చి మొదటి వారంలోనే నిర్వహించే ఛాన్స్

ఈమేరకు సమావేశం నిర్వహించిన కేసీఆర్ బడ్జెట్ రూపకల్పన చేయవలసిందిగా సూచించారు. త్వరితగతిన బడ్జెట్ తయారీ ప్రక్రియ పూర్తయితే మార్చి మొదటి వారం లోనే అసెంబ్లీ సమావేశాలు నిర్వహించే అవకాశం ఉందని ఉన్నతస్థాయి వర్గాలు చెబుతున్నాయి. ఇప్పటికే తెలంగాణ రాష్ట్రంలో పట్టభద్రుల ఎమ్మెల్సీ ఎన్నికలు, ఖమ్మం వరంగల్ మున్సిపల్ కార్పొరేషన్ ఎన్నికలు జరగనున్న నేపథ్యంలో బడ్జెట్ కేటాయింపుల విషయంలో ఆచితూచి వ్యవహరించనున్నట్లుగా సమాచారం.

English summary

Telangana CM KCR held a review meeting with senior officials on the conduct of Telangana budget meetings. KCR focused on the budget meetings of the Telangana Assembly in the wake of the recent introduction of the Union Budget. It seems that the state government is planning to hold budget meetings in the second week of March. Clarification on the funds coming to the state came in the wake of the introduction of the Union Budget in Parliament. Accordingly, the state government is in the process of formulating an annual budget