ఆధ్యాత్మికత పేరుతో మహిళకు వల.. గురూజీపై కేసు నమోదు..

హైదరాబాద్ లోని జూబ్లీహిల్స్‌ లో ఆధ్మాత్మిక‌త పేరుతో ఓ మ‌హిళ‌ను వేధింపుల‌కు గురి చేశాడు ఓ గురూజీ. జూబ్లీహిల్స్ రోడ్ నం.71 లో శ్రీవిద్యా సాధనా సెంటర్‌ ను నిర్వహిస్తున్న శ్రీ చైతన్య గురూజీ అలియాస్ మేరెడ్డి సునీల్‌ రెడ్డిపై ఈ మేరకు పోలీసులు కేసు నమోదు చేశారు.

శ్రీవిద్యా సాధనా సెంటర్‌ కు సాఫ్ట్‌ వేర్ ఇంజినీర్ విష్ణుదీప్‌ రెడ్డి భార్య వెళ్తుండగా.. ఆధ్యాత్మిక సాధనల పేరుతో గురూజీ సాన్నిహిత్యం పెంచుకున్నాడు. ఈ క్రమంలో ఆమెకు అసభ్య సందేశాలు పంపించడమే కాకుండా వ్యక్తిగత చాటింగ్‌ చేశాడు గురూజీ సునీల్‌ రెడ్డి. అయితే తన భార్య తనను దూరం పెడుతున్నట్లు గ్రహించిన ఆమె భర్త విష్ణుదీప్‌ రెడ్డి.. ఈ మేరకు గురూజీని నిలదీశాడు.

అయితే గురూజీ సునీల్‌ రెడ్డి నుంచి ఇంజినీర్ భార్య విష్ణుదీప్‌ రెడ్డికి హత్య బెదిరింపులు వచ్చాయి. ఈ క్రమంలో చాటింగ్ ఆధారాలు, బెదిరింపుల వివరాలతో కోర్టును ఆశ్ర‌యించాడు బాధితుడు. గురూజీ తన వైవాహిక జీవితంలో గందరగోళం సృష్టించాడని.. ఈ మేరకు చాటింగ్ ఆధారాలు, బెదిరింపుల వివరాలను కోర్టుకు సమర్పించాడు. దాంతో కోర్టు ఆదేశాలతో BNS 351(2) సెక్షన్ కింద జూబ్లీహిల్స్ పోలీసులు కేసు నమోదు చేశారు. ఈమేరకు దర్యాప్తు చేపట్టారు. ఇక ఈ ఘటన సామాజిక మాధ్యమాల్లో వైరల్ కావడంతో నిందితుడ్ని కఠినంగా శిక్షించాలని నెటిజన్లు డిమాండ్ చేస్తున్నారు. ఆధ్యాత్మికత పేరుతో ఇలాంటి పనులకు పాల్పడటంపై ఆగ్రహం వ్యక్తం చేస్తున్నారు. ఇక దేశవ్యాప్తంగా ఇలాంటి బాబాలు, గురూజీల ఘటనలు అధికం అవుతున్న సంగతి తెలిసిందే.