మహిళలు అలా వుంటే పురుషుల దినోత్సవం జరుపుకునే రోజు వస్తుందన్న ఎంపీ కవిత

అంతర్జాతీయ మహిళా దినోత్సవం వేళ ఎంపీ కల్వకుంట్ల కవిత పురుషులపై ఆసక్తికరమైన వ్యాఖ్యలు చేశారు. మహిళలు కలిసికట్టుగా ఉంటే సాధించలేనిది ఏమీ లేదని, మహిళలు సంఘటితంగా ఉంటే భవిష్యత్తులో పురుషులు, తమ ప్రాధాన్యాన్ని తెలియజేసేలా పురుషుల దినోత్సవం జరుపుకునే రోజులు వస్తాయని కవిత చమత్కరించారు.

తెలంగాణ రాష్ట్ర సమితి పార్లమెంటు సభ్యురాలు కల్వకుంట్ల కవిత హైదరాబాద్ యూసుఫ్ గూడా లోని చిన్న, మధ్య, సూక్ష్మ తరహా ఉత్సాహిక పారిశ్రామికుల శిక్షణ కేంద్రంలో లో కేంద్ర ప్రభుత్వం అంతర్జాతీయ మహిళా దినోత్సవాన్ని పురస్కరించుకొని నిర్వహించిన జాతీయస్థాయి సమావేశంలో పాల్గొన్నారు.ఈ సమావేశానికి ఎంపి కవిత ముఖ్య అతిథిగా హాజరై ప్రసంగించారు.

హైదరాబాద్ లో జాతీయ సమావేశాన్ని ఏర్పాటు చేసినందుకు కేంద్రానికి కృతజ్ఞతలు తెలిపారు. ప్రతి మహిళ తానూ, తన కుటుంబం ఉన్నత స్దాయికి ఎదగాలని కలలు కంటారు..అయితే ఈ కల సాకారం కావడంలో ఎన్నో అడ్డంకులు ఎదురవుతున్నాయని ఆమె అన్నారు. వీటిని ధైర్యంగా ఎదుర్కోవాల్సింది మనమేనన్నారు. మహిళలు సంఘటితంగా ఉంటే, భవిష్యత్ లో పురుషులు పురుషుల దినోత్సవం జరుపుకునే రోజులు వస్తాయని చెప్పిన కవిత తెలంగాణలో మహిళలకు ప్రభుత్వం అన్ని విధాల అండగా ఉంటుందని తెలిపారు.

English summary

On the day of International Women's Day, Nizamabad MP Kavitha made interesting comments on men . If the women are united together then the future men have been kicked out to celebrate men's day kavitha said .With this hilarious comment kavitha attaracted the people who has participated in the national level meeting conducted by central government .