KTR on Kavitha's Clean Chit : కవితకు క్లీన్ చిట్ -కేటీఆర్ రియాక్షన్ ఇదే..!

ఢిల్లీ మద్యం కుంభకోణం కేసులో ఇవాళ కీలక పరిణామం చోటు చేసుకుంది. ఐదేళ్లుగా దీనిపై రచ్చ చేస్తున్న సీబీఐకి ఢిల్లీ కోర్టులో గట్టి ఎదురుదెబ్బ తగిలింది. ఈ కేసులో సీబీఐ నిందితులుగా చేర్చి జైళ్లకు సైతం పంపిన కేజ్రివాల్, మనీష్ సిసోడియా, కవిత (Kavitha)సహా అందరినీ నిర్దోషులుగా ప్రకటిస్తూ ఢిల్లీలోని రౌస్ అవెన్యూ కోర్టు సంచలన తీర్పు ఇచ్చింది. దీంతో వీరిపై అభియోగాలన్నీ వీగిపోయి క్లీన్ చిట్ లభించినట్లయింది. ఈ నేపథ్యంలో కవిత సోదరుడు, బీఆర్ఎస్ నేత కేటీఆర్ (ktr) స్పందించారు.

ఢిల్లీ కోర్టు తీర్పు, కవితకు క్లీట్ పై స్పందిస్తూ కేటీఆర్ ఓ ట్వీట్ చేశారు. ఇందులో ఆయన.. కేజ్రీవాల్ నేతృత్వంలోని ఆప్ ప్రభుత్వాన్ని మద్యం కుంభకోణం పేరుతో కూల్చివేశారు. అలాగే ఈ వ్యవహారంలో అసెంబ్లీ & పార్లమెంట్ ఎన్నికలలో భారత రాష్ట్ర సమితి రాజకీయ బాధితురాలిగా మారిందన్నారు. అలాగే కవిత గారు ఈరోజు కోర్టులో న్యాయం పొందారు. అదే విధంగా, మా నాయకులపై నమోదైన ప్రతి కేసు తప్పుడు, రాజకీయ ప్రేరేపిత మరియు కల్పితమైనదని నిశ్చయంగా బహిర్గతమవుతుందన్నారు.

The AAP Govt led by Kejriwal was brought down in the name of the so-called liquor scam, and the political casualty of that narrative was the Bharat Rashtra Samithi in both the Assembly & Parliament elections

Kavita Garu got justice in court today and In the same manner, every…

— KTR (@KTRBRS) February 27, 2026

ఆ నిజం గెలవనంత వరకు, కాంగ్రెస్, బిజెపి నుండి నిర్లక్ష్యపు ఆరోపణలను మనం చూస్తూనే ఉంటామన్నారు. వీటిని దుర్వినియోగం చేయడానికి, తప్పుదారి పట్టించడానికి రూపొందించిన మీడియా విచారణల్ని చూస్తున్నామన్నారు. దురదృష్టవశాత్తు, ఇది ఇప్పుడు "న్యూ ఇండియా"లో కొత్త ప్రమాణంగా మారిందన్నారు. ఇక్కడ ఆరోపణలు సాక్ష్యాలను భర్తీ చేస్తాయని, మీడియా కథనాలు మిగిలిన ప్రక్రియను భర్తీ చేయడానికి ప్రయత్నిస్తాయని కేటీఆర్ తెలిపారు. కానీ చివరికి, న్యాయం గెలుస్తుందన్నారు.