శోభన్ బాబు-జయలలిత గురించి ఆసక్తికరం! 'చంపేస్తానని.. శశికళ అంటేనే అసహ్యం'

దివంగత నటుడు శోభన్ బాబు చాలా మంచివ్యక్తి అని నాటి ప్రముఖ రచయిత ఆరుద్ర భార్య కె రామలక్ష్మి అన్నారు. కాలమిస్ట్, రైటర్, క్రిటిక్ రామలక్ష్మి ఓ ఇంటర్వ్యూలో మాట్లాడారు.

హైదరాబాద్: దివంగత నటుడు శోభన్ బాబు చాలా మంచివ్యక్తి అని నాటి ప్రముఖ రచయిత ఆరుద్ర భార్య కె రామలక్ష్మి అన్నారు. కాలమిస్ట్, రైటర్, క్రిటిక్ రామలక్ష్మి ఓ ఇంటర్వ్యూలో మాట్లాడారు. శోభన్ బాబు గురించి ఆసక్తికర విషయాలు చెప్పారు.

చదవండి: అన్నాడీఎంకేను ఇరుకునపెట్టిన 'జయ కూతురు': ఎవరీ అమృత?

శోభన్ బాబు గురించి..

తనను ఓసారి శోభన్ బాబు తన ఇంటికి పిలిచారని, అక్కడ తన భార్యను చూపించాడని, తన గురువు గారు కూతురు పెళ్లి చేయలేడని తెలిసి, తానే ఆమెను పెళ్లి చేసుకున్నానని చెప్పాడని రామలక్ష్మి తెలిపారు. శోభన్ బాబు వెరీ ఫైన్ మ్యాన్ అన్నారు.

జయలలిత నిజమైన ప్రేమ

జయలలిత వెరీ వెరీ ఫైన్ టాలెంటెడ్ గార్ల్ అని రామలక్ష్మి తెలిపారు. గోరింటాకు సినిమాను జయలలిత ఇంట్లో చిత్రీకరించారు. మీరందరూ ఇక్కడే భోజనం చేయాలని జయలలిత.. శోభన్ బాబుతో చెప్పిందని తెలిపారు. నేను వడ్డిస్తానని జయలలిత చెప్పారని తెలిపారు. జయలలిత నిజమైన ప్రేమ కనబరుస్తుందన్నారు.

భార్యను మోసం చేయలేక

జయలలితను శోభన్ బాబు పెళ్లి చేసుకుందామనుకున్నాడని తెలిపారు. కానీ, సాధ్యపడలేదన్నారు. ఆయన తన భార్యను మోసం చేయలేకపోయాడన్నారు. శోభన్ బాబు చాలా సిన్సియర్ అన్నారు. శోభన్ బాబు కొడుకు కూడా బాగానే ఉంటాడని, కానీ ఎందుకో సినిమాల్లోకి రావద్దని చెప్పాడన్నారు.

శశికళపై తీవ్రంగా

జయలలిత నెచ్చెలి శశికళను మండోదరితో పోల్చారు రామలక్ష్మి. పోయెస్ గార్డెన్ గేట్లో నుంచి ఆమెను ఈడ్చేశారని, పబ్లిక్‌ను కంట్రోల్ చేయకుంటే చంపేసేవారన్నారు. ఒక మనిషిని డబ్బు చేసుకున్నాక కూడా ఆమెను (జయలలితను) చంపడం దారుణం అన్నారు.

శశికళ ముఖం చూసినా అసహ్యం

జయలలితకు మోకాళ్ల నొప్పులు ఎక్కువగా ఉంటాయని, ఆమెను శశికళ మంచం మీద నుంచి కిందకు లాగి పడేసిందని తెలిసిందని, అప్పుడు ఆమె కిందపడిపోయిందని, పని మనిషి సాయానికి వెళ్తే... చంపేస్తానని శశికళ ఆమెను బెదిరించిందని తెలిసిందని రామలక్ష్మి చెప్పారు. ఆ తర్వాతే జయను ఆసుపత్రికి తరలించారన్నారు. జయలలితను దాదాపు చంపేశారని, ఆమె (శశికళ) ముఖం చూసినా అసహ్యం అన్నారు.

English summary

Ramalakshmi interesting comments on Sobhan Babu, Jayalalithaa and AIADMK leader Sasikala Natarajan.