• search

ఎలక్షన్ టైమ్ : వచ్చే నెలలో తెలంగాణలో పర్యటించనున్న సోనియా, రాహుల్ గాంధీ

Subscribe to Oneindia Telugu
For Quick Alerts
ALLOW NOTIFICATIONS
For Daily Alerts

    హైదరాబాద్: తెలంగాణ రాష్ట్రంపై కాంగ్రెస్ అధిష్టానం ప్రత్యేక దృష్టి సారించింది. ఇక్కడ పార్టీ బలోపేతంతో పాటు వచ్చే ఎన్నికలకు అమలు చేయాల్సిన వ్యూహాన్ని ఇప్పటి నుంచే రచిస్తోంది .ఇందులో భాగంగానే కాంగ్రెస్ అధ్యక్షుడు రాహుల్ గాంధీ కూడా తెలంగాణలో పర్యటించారు. ఇకపై ప్రతి నెలా రాహుల్ గాంధీ తెలంగాణలో పర్యటిస్తారని టీపీసీసీ చీఫ్ ఉత్తమ్ కుమార్ రెడ్డి కూడా తెలిపారు. ఇక వచ్చే ఎన్నికల్లో ఎలాగైనా సరే గెలవాలని భావిస్తున్న కాంగ్రెస్ యూపీఏ ఛైర్‌పర్సన్ సోనియాగాంధీని కూడా రంగంలోకి దింపే ప్రయత్నానికి శ్రీకారం చుట్టింది. తెలంగాణలో కొంత కష్టపడితే అధికారంలోకి రావొచ్చనేది కాంగ్రెస్ ఆశగా ఉంది.

    ఇక కాంగ్రెస్ అధ్యక్షుడు రాహుల్ గాంధీ రెండ్రోజుల తెలంగాణ పర్యటన విజయవంతంతో కాంగ్రెస్ పార్టీలో క్యాడర్‌లో జోష్ కనిపిస్తోంది. తిరిగి కాంగ్రెస్ తెలంగాణలో పుంజుకుని బలమైన శక్తిగా ఎదుగుతుందని నేతలు విశ్వాసం వ్యక్తం చేస్తున్నారు. వచ్చే నెల అంటే సెప్టెంబర్‌లో రాహుల్ గాంధీ మరోసారి తెలంగాణలో పర్యటించనున్నారు.

    సోనియాగాంధీ కూడా తెలంగాణకు వచ్చే అవకాశాలు పుష్కలంగా కనిపిస్తున్నాయి. అయితే ఇద్దరు వేరు వేరుగా వస్తారని కాంగ్రెస్ వర్గాలు చెబుతున్నాయి. సోనియా గాంధీ, రాహుల్ గాంధీలు వేర్వేరుగా ప్రజాచైతన్య బస్సు యాత్రలో పాల్గొంటారని సమాచారం. సెప్టెంబర్ 1 నుంచి మలివిడత ప్రజా చైతన్య బస్సు యాత్ర ప్రారంభించనుంది తెలంగాణ ప్రదేశ్ కాంగ్రెస్ కమిటీ.

    Sonia and Rahul to visit Telangana next month,main focus on elections

    ఇదిలా ఉంటే తెలంగాణ సీఎం కేసీఆర్ కుమారుడు ఐటీ శాఖ మంత్రి కేటీఆర్ పాత కరీంనగర్ జిల్లా నుంచి ప్రాతినిథ్యం వహిస్తున్నారు. అయితే ఈసారి సీఎం కేసీఆర్ కరీంనగర్ పార్లమెంటు స్థానానికి పోటీచేయడంతో పాటు గజ్వేల్ అసెంబ్లీ నుంచి కూడా బరిలోకి దిగుతారనే వార్తలు ఊపందుకున్నాయి.ఇది దృష్టిలో ఉంచుకున్న తెలంగాణ కాంగ్రెస్ పార్టీ కరీంనగర్‌లో ఓ భారీ బహిరంగ సభ పెట్టాలనే యోచనలో ఉన్నట్లు సమాచారం.

    మరోవైపు రాహుల్ గాంధీ దక్షిణ తెలంగాణలో జరిగే బహిరంగ సభలో పాల్గొంటారని కాంగ్రెస్ వర్గాలు చెబుతున్నాయి. బస్సు యాత్ర చివరి దశకు చేరుకునే సరికి సోనియాగాంధీని ఆహ్వానించే యోచనలో ఉన్నట్లు తెలంగాణ శాసనమండిలో విపక్ష నేత షబ్బీర్ అలీ చెప్పారు. ఇదే క్రమంలో మరో చోట రాహుల్ గాంధీ బస్సు యాత్రలో పాల్గొంటారని ఆయన స్పష్టం చేశారు.

    తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

    English summary
    The Congress high command has been giving top priority to Telangana state in the hope that the party will come to power in the state in the forthcoming elections.After a successful two-day visit to Hyderabad, Congress President Rahul Gandhi will visit Telangana in September. UPA Chairperson Sonia Gandhi is also likely to visit Telangana next month. Both the leaders will visit the state separately to participate in the Praja Chaitanya Bus Yatra conducting by the TPCC.

    Oneindia బ్రేకింగ్ న్యూస్
    రోజంతా తాజా వార్తలను పొందండి

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more