తెలంగాణాలో ఫిబ్రవరి నాటికి రోజుకు 2 లక్షలకు పైగా కేసులకు ఛాన్స్; భయపెడుతున్న థర్డ్ వేవ్

Published: Wednesday, January 5, 2022, 11:16 [IST]

తెలంగాణ రాష్ట్రంలో కరోనా మహమ్మారి కేసులు క్రమంగా పెరుగుతున్నాయి. వారం రోజులుగా పెరుగుతున్న కరోనా కేసులు, ఒమిక్రాన్ కేసుల వ్యాప్తి తెలంగాణ రాష్ట్రంలో థర్డ్ వేవ్ సంకేతాలను ఇస్తున్నాయి. తెలంగాణ రాష్ట్రం కోవిడ్-19 యొక్క మరొక తరంగాన్ని చూసే అవకాశం ఉందని, ఫిబ్రవరి నాటికి రోజువారీ కేసుల సంఖ్య 2లక్షలకు పెరగవచ్చు అన్న అభిప్రాయం వ్యక్తమవుతోంది. జనవరి చివరి భాగంలో గరిష్ట స్థాయి నుండి, రోజువారీ కోవిడ్ ఇన్‌ఫెక్షన్లు తగ్గడం ప్రారంభమవుతాయి మరియు ఫిబ్రవరి మూడవ వారం నాటికి అత్యల్ప మార్కుకు చేరుకుంటాయి.

ఫిబ్రవరి నెలలో గరిష్ఠ స్థాయిలో కరోనా కేసులు

సెంటర్ ఫర్ నెట్‌వర్క్డ్ ఇంటెలిజెన్స్, IISc-ISI, బెంగళూరు సెంటర్‌కు చెందిన శివ ఆత్రేయ మరియు రాజేష్ సుందరేశన్ బృందం రూపొందించిన IISc-ISI మోడల్ ప్రకారం, తెలంగాణలో కేసుల సంఖ్య జనవరి రెండవ వారం వరకు పెరిగే అవకాశం ఉందని భావిస్తున్నారు. ఇది ఫిబ్రవరి నెలలో గరిష్ఠ స్థాయిలో పెరగవచ్చని భావిస్తున్నారు. వారి నమూనాలో, IISc-ISI పరిశోధకులు జనాభా యొక్క 30 శాతం, 60 శాతం మరియు 100 శాతం గ్రహణశీలతను కలిగి ఉన్న మూడు వేర్వేరు పారామితులను పరిగణించారు. గత ఇన్ఫెక్షన్, టీకా, రోగనిరోధక శక్తి క్షీణించడం వల్ల ప్రభావితమైన జనాభాలో కొంత భాగాన్ని కొత్త వేరియంట్‌కు 30 శాతం, 60 శాతం మరియు 100 శాతం పారామీటర్‌గా తీసుకుంటారు అని పరిశోధకులు తెలిపారు.

తెలంగాణలో రోజువారీ 2లక్షల కరోనా కేసులు

తెలంగాణ రాష్ట్రంలో ఒకవేళ కరోనా ఉధృతి పెరిగితే, తెలంగాణలో రోజువారీ కోవిడ్-19 కేసులు 2 మరియు 2.3 లక్షల మధ్య ఉంటాయి. అయితే 100 శాతం జనాభా ఉంటేనే ఈ విధంగా కేసులు పెరుగుదల సాధ్యమవుతుంది.IISc-ISI మోడల్ అంచనా ప్రకారం, జనాభా 60 శాతం మంది ఉంటే రోజువారీ ఇన్‌ఫెక్షన్ 1.5 లక్షల కంటే తక్కువగా ఉంటుంది. అయితే రాష్ట్రంలో 30 శాతం మంది జనాభా ఉంటే అది 5-10 వేల పరిధిలో ఉంటుంది.

ఫిబ్రవరి నెలలో దేశవ్యాప్తంగా గరిష్ట స్థాయికి కేసులు

మోడల్ ప్రకారం, ఫిబ్రవరి నెలలో దేశవ్యాప్తంగా గరిష్ట స్థాయికి చేరుకుంటుంది. తరువాత, మార్చి నెల వరకు రోజువారీ కేసుల సంఖ్య తగ్గుతుందని భావిస్తున్నారు. ఇదిలా ఉంటే తెలంగాణలో రోజువారీ కోవిడ్ కేసులు 1,052కి చేరాయి. తెలంగాణలో మంగళవారం 1,052 కొత్త కోవిడ్ -19 మరియు 10 కొత్త ఒమిక్రాన్ కేసులు నమోదయ్యాయి. గ్రేటర్ హైదరాబాద్‌లోనే 659 కొత్త కోవిడ్ కేసులు నమోదయ్యాయి. ఇక మేడ్చల్ మరియు రంగారెడ్డిలో వరుసగా 116 మరియు 109 కేసులు నమోదయ్యాయి.

రెండు మూడు వారాల పాటు అప్రమత్తం.. థర్డ్ వేవ్ సంకేతం

ఇప్పటికే రానున్న రెండు మూడు వారాల పాటు జాగ్రత్తగా ఉండాలని, థర్డ్ వేవ్ వచ్చే అవకాశం ఉందని హెచ్చరికలు జారీ చేశారు. అధికారుల హెచ్చరికల నేపథ్యంలో తాజాగా పెరుగుతున్న కేసులు కూడా థర్డ్ వేవ్ ఆందోళనకు కారణంగా మారింది. ఏది ఏమైనా ప్రజలు కరోనా కేసుల పెరుగుదల నేపధ్యంలో అప్రమత్తంగా ఉండాల్సిన అవసరం ఉందని తెలుస్తుంది. మాస్కులు ధరించటం, సామాజిక దూరం పాటించటం వంటి చర్యలను తప్పక పాటించాలని పదేపదే అధికారులు హెచ్చరికలు జారీ చేస్తున్నారు.

Published On January 5, 2022