కాకా నువ్వు కేక! ఎండలో ఛలాన్లు ఎందిరా బై! వీహెచ్ హల్‌చల్!

తెలంగాణా రాష్ట్రంలో ఉన్న రాజకీయనాయకులలో వీహెచ్ ఇప్పుడు హాట్ టాపిక్ గా మారారు. రాజకీయాల్లో అయినా , సామాజిక అంశాల్లో అయినా ఆయన స్పందిస్తున్న తీరు ఇప్పుడు చర్చనీయాంశంగా మారింది. రోడ్ మీద ఎక్కడ ఏం జరిగితే మనకెందుకులే అని ఫీల్ అయ్యే రాజకీయ నాయకులున్న ఈ రోజుల్లో మండుటెండల్లో వాహనదారులను ఆపి చలాన్లు రాస్తున్న పోలీసులను వీహెచ్ హడలగొట్టారు.

హైదరాబాదులోని తెలుగుతల్లి ఫ్లై ఓవర్ సమీపంలో ట్రాఫిక్ పోలీసులు వాహనదారులను ఆపి, చలాన్లు వేస్తున్న సందర్భంలో అటువైపుగా వీహెచ్ వెళ్తున్నారు. మండుటెండలో చలాన్లు రాస్తున్న పోలీసులపై మండిపడ్డారు. చలాన్ల వ్యవహారాన్ని గమనించిన ఆయన ముందు కారు నుంచి దిగి, వాహనదారులతో మాట్లాడారు. ఆ తర్వాత పోలీసులపై ఫైర్ అయ్యారు.

ఓ వైపు ఎండలు మండిపోతుంటే, జనాలను ఎందుకు పరేషాన్ చేస్తున్నారని ప్రశ్నించారు. వెంటనే అందరినీ పంపించేయాలని తన స్టైల్ లో గట్టిగా గదమాయించి చెప్పారు. అంతేకాదు, దగ్గరుండి మరీ వాహనదారులను పంపించేశారు. ఇక ట్రాఫిక్ పోలీసుల బారి నుండి కాపాడిన వీహెచ్ కు వాహనదారులు థాంక్స్ చెప్పారు. మొత్తానికి కాకా నువ్ కేక అంటున్నారు.

English summary

In the premises of hyderabad Telugutalli fly over the traffic police are stoping the vehicles and imposing the fines to them . V.H who is passing by saw it. Fired on the police men for writing the challans in the hot sun . questioned them for troubling the people.