Floating Solar Plate: నీటిలో తేలియాడే సోలార్ పవర్ ప్రాజెక్టు.. చూస్తే ఆశ్చర్యపోవాల్సిందే..
ఏపీలోని గ్రేటర్ విశాఖపట్నం మున్సిపల్ కార్పొరేషన్ (జీవీఎంసీ) మేఘాద్రిగెడ్డ రిజర్వాయర్పై 3 మెగావాట్ల ఫ్లోటింగ్ సోలార్ పవర్ ప్రాజెక్ట్ను ప్రారంభించింది. 'విశాఖపట్నం-చెన్నై ఇండస్ట్రియల్ కారిడార్ డెవలప్మెంట్ ప్రోగ్రామ్' కింద ఈ తేలియాడే సోలార్ చొరవ కోసం ఆసియా డెవలప్మెంట్ బ్యాంక్ ₹14 కోట్ల 'అర్బన్ క్లైమేట్ చేంజ్ రెసిలెన్స్ ట్రస్ట్ ఫండ్' మంజూరు చేసింది.
విశాఖపట్నం ప్రధాన నీటి వనరులలో మేఘాద్రిగెడ్డ రిజర్వాయర్ ఒకటి. మేఘాద్రిగెడ్డ నగరానికి సుమారు 10 MGD నీటిని సరఫరా చేస్తుంది. గుర్గావ్కు చెందిన ఒక ప్రైవేట్ సంస్థ ఈ ప్రాజెక్టును అమలు చేసింది. GVMC ఇప్పటికే నగరంలో ఉన్న ముడసర్లోవ రిజర్వాయర్పై 2 మెగావాట్ల ఫ్లోటింగ్ సోలార్ ప్లాంట్ను ఏర్పాటు చేసింది. దానితో పాటు నగరంలోని అనేక మున్సిపల్ పాఠశాలలు, దాని ప్రధాన కార్యాలయాలు, ఇతర ముఖ్య కార్యాలయాలపై సోలార్ ప్లేట్లు అమర్చారు.
పర్యావరణ అనుకూలతతో పాటు, ఫ్లోటింగ్ సోలార్ ప్రాజెక్ట్ స్థలాన్ని ఆదా చేస్తుంది. ఈ ప్రాజెక్టును భూమి ఏర్పాటు ల్యాండ్ అవసరమవుతుంది. అదే నీటిలో అయితే ప్రత్యేకంగా భూమి అవసరం ఉండదు. సోలార్ ప్యానెల్స్ రిజర్వాయర్ నుంచి నీటి ఆవిరిని కొంతవరకు తగ్గించడంలో కూడా సహాయపడతాయి. జీవిఎంసీ కమీషనర్ జి లక్ష్మీశ మాట్లాడుతూ జివిఎంసి రిజర్వాయర్పై పవర్ ప్రాజెక్ట్ ఏర్పాటు చేయడం ద్వారా 12 ఎకరాల భూమిని ఆదా చేయవచ్చని అన్నారు.
"ఈ ప్రాజెక్ట్ కేవలం ఐదేళ్లలో బ్రేక్ ఈవెన్కు చేరుకుంటుందని లక్ష్మీశ చెప్పారు. వార్షిక విద్యుత్ ఉత్పత్తి 4.2 మిలియన్ యూనిట్లు కాగా, ఇది 3,220 టన్నుల కార్బన్ డయాక్సైడ్ ఉద్గారాలను, 54,000 టన్నుల బొగ్గును తగ్గిస్తుంది. యాంకర్ల మద్దతుతో ఫ్లోట్లు స్వయంచాలకంగా నీటి స్థాయి వైవిధ్యాలకు సర్దుబాటు అవుతాయి" అని లక్ష్మీశ అన్నారు.
Click it and Unblock the Notifications
Sign in with Google