గుంటూరు వార్తల కోసం
నోటిఫికేషన్స్ పై క్లిక్ చేయండి  
Oneindia App Download

లవ్ అఫైర్: తెలుగు యువకుడి కాల్చివేత

By Pratap
|
Google Oneindia TeluguNews

Dilip
గుంటూరు: ప్రేమ వ్యవహారంలో ఓ తెలుగు యువకుడు దేశం కాని దేశంలో అసువులు బాశాడు. గుంటూరు జిల్లాకు చెందిన మలినేని దిలీప్ (27) అనే యువకుడు స్కాట్లాండులో కాల్పులకు గురై మరణించినట్లు వార్తలు వచ్చాయి. స్కాట్లాండులో అతను ఓ చిరుద్యోగి అని తెలుస్తోంది. ప్రేమ వివాదంలో అతను ప్రాణాలు కోల్పోయినట్లు చెబుతున్నారు.

ఆ సంఘటన ఈ నెల 5వ తేదీన జరిగింది. ఈ సంఘటన సమాచారం గుంటూరు జిల్లా యడ్లపాడులో నివసిస్తున్న దిలీప్ తల్లిదండ్రులకు ఆలస్యంగా ఆందింది. స్కాట్లాండులో నివసిస్తున్న ఓ యువతిని దిలీప్ కొంతకాలంగా ప్రేమిస్తున్నాడు. పెళ్లి కూడా చేసుకోవాలని అనుకున్నాడు. ఇరు వైపుల పెద్దలను ఒప్పించడానికి ప్రయత్నించారు. కానీ ఫలితం కనిపించలేదు.

ఈ క్రమంలో దిలీప్‌పై యువతి సోదరుడు కాల్పులు జరిపాడని, దిలీప్ అక్కడికక్కడే మరణించాడని వార్తలు వచ్చాయి. పోలీసులు మృతదేహాన్ని స్వాధీనం చేసుకున్నారు. పరీక్షలు నిర్వహించారు. కేసు నమోదు చేశారు.

కుమారుడి మరణవార్త విని తల్లిదండ్రులు విషాద సముద్రంలో మునిగిపోయారు. తమ కుమారుడి మృతదేహాన్ని స్వదేశానికి పంపించాలని కోరుతున్నారు. దీలీప్ మృతదేహాన్ని తెప్పించడానికి పార్లమెంటు సభ్యులు రాయపాటి సాంబశివరావు, సీతారాం ఏచూరి ప్రయత్నాలు చేస్తున్నారు. ఈ నెల 17వ తేదీన దిలీప్ మృతదేహం హైదరాబాదు చేరుకోవచ్చునని భావిస్తున్నారు.

English summary
A Telugu youth Dilip has been shot dead by his girl frienf's brother in Scotland. Dilip belongs to Yadlapadu of Guntur district.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X