నిర్మాత పేరుతో సెక్స్ రాకెట్: తారా చౌదరి అరెస్టు

By Pratap

Published: Saturday, March 31, 2012, 16:41 [IST]

హైదరాబాద్: సినీ అవకాశాలు ఇప్పిస్తానని చెప్పి అమ్మాయిలను వ్యభిచార కూపంలోకి లాగుతున్న తారా చౌదరి అనే మహిళ గుట్టును ఓ ప్రైవేటే తెలుగు టీవీ చానెల్ విప్పింది. తారా చౌదరి, ప్రసాద్ అనే ఇద్దరు వ్యక్తులు సెక్స్ రాకెట్ నడుపుతున్నట్లు ఆరోపణలు వచ్చాయి. ఆ ముఠా నుంచి తప్పించుకుని వచ్చిన లక్ష్మి అనే అమ్మాయితో హెచ్ఎంటీవీ లైవ్ కార్యక్రమం నిర్వహించింది. బాధితుతారాలు విశాఖపట్నం నగరానికి చెందింది. తనను తారా చౌదరి ఎలా మోసం చేసిందీ లక్ష్మి వివరించింది. అయితే, లక్ష్మి ఎవరో తనకు తెలియదని తారా చౌదరి చెప్పింది. ఇదంతా జరుగుతున్న సమయంలోనే పోలీసులు తారా చౌదరిని అదుపులోకి తీసుకున్నారు. ప్రసాద్‌ను కూడా పోలీసులు అదుపులోకి తీసుకున్నట్లు తెలుస్తోంది.

తారా చౌదరి తాను నిర్మాతనని చెప్పుకుని అమ్మాయిలను వలలో వేసుకుని వ్యభిచారంలోకి దింపుతోందని, ఉద్యోగాలు ఇప్పిస్తామని చెప్పి వ్యభిచారం చేయాలని ఒత్తిడి చేసిందని టీవీ చానెల్ కథనం సారాంశం విజయవాడకు చెందిన ఓ అమ్మాయి కూడా పోలీసులకు ఫిర్యాదు చేసినట్లు తెలుస్తోంది. కీర్తిప్రియ అనే బాధితురాలు కూడా ఆ టీవీ చానెల్‌ను ఆశ్రయించింది. హెచ్‌ఎంటీవీ కార్యక్రమం నిర్వహిస్తున్న క్రమంలో పలువురు బాధితాలు లైన్లోకి వచ్చారు. తారా చౌదరి కూడా గతంలో బాధితురాలేనని, ఇప్పుడు ఇలా మారిందని జయ వింధ్యాల అనే సామాజిక కార్యకర్త అన్నారు.

టీవీ కథనం ప్రకారం - లక్ష్మి 15 రోజుల క్రితం తారా చౌదరి ముఠా ఉచ్చులో పడింది. ఆమెను 15 రోజుల పాటు హైదరాబాదులోని శ్రీనగర్ కాలనీలో నిర్బంధించారు. అయితే, అతి కష్టం మీద లక్ష్మి ఆ ముఠానుంచి తప్పించుకుని హెచ్‌ఎంటీవిని ఆశ్రయించింది.

Published On March 31, 2012