సెక్స్ రాకెట్ నడుపుతున్న తారా చౌదరికి రిమాండ్

ఉద్యోగాలిప్పిస్తామని, సినీ అవకాశాలు ఇప్పిస్తామని చెప్పి కొందరు యువతులను నమ్మించి నగరానికి రప్పించి బలవంతంగా వ్యభిచార రొంపిలోకి దింపుతున్న తారా చౌదరి, ఆమె సన్నిహితుడిని బంజారాహిల్స్ పోలీసులు ఆదివారం రిమాండుకు తరలించారు. విజయవాడకు చెందిన తార చౌదరి తన సన్నిహితుడితో కలిసి బంజారాహిల్స్ ఠాణా పరిధిలోని శ్రీనగర్ కాలనీ ప్రాంతంలో విశాలమైన ఓ ఇంటిని అద్దెకు తీసుకొని కొన్నేళ్లుగా ఉంటోంది. ఇటీవల ఓ యువతిని నమ్మించి నగరానికి రప్పించి బలవంతంగా వ్యభిచారం నిర్వహించడంతో వారి నుంచి తప్పించుకున్న యువతి బంజారాహిల్స్ పోలీసులకు ఫిర్యాదు చేసిన విషయం తెలిసిందే. బాధితురాలు విశాఖపట్నం నగరానికి చెందింది.

సినీ అవకాశాలు ఇప్పిస్తానని చెప్పి అమ్మాయిలను వ్యభిచార కూపంలోకి తారా చౌదరి లాగుతోందని ఆమె మీద ఆరోపణలు ఉన్నాయి. తన సన్నిహితుడితో కలిసి ఆమె సెక్స్ రాకెట్ నడుపుతున్నట్లు ఆరోపణలు ఉన్నాయి. తారా చౌదరి తాను నిర్మాతనని చెప్పుకుని అమ్మాయిలను వలలో వేసుకుని వ్యభిచారంలోకి దింపుతోందని, ఉద్యోగాలు ఇప్పిస్తామని చెప్పి వ్యభిచారం చేయాలని ఒత్తిడి చేసిందని మరో అమ్మాయి కూడా పోలీసులకు ఫిర్యాదు చేసిందని సమాచారం.

English summary

Tara Choudhary sent to remand by Banjara Hills police.