ఐదేళ్ల బాలిక రేప్: స్టూడెంట్‌ను గర్భవతిని చేసిన టీచర్

By Pratap

Published: Thursday, January 3, 2013, 18:41 [IST]

హైదరాబాద్: తూర్పు గోదావరి జిల్లాలోని తాడేపల్లి గూడెంలో ఓ కామ పిశాచి దురాగతం వెలుగులోకి వచ్చింది. మాయమాటలు చెప్పి ఐదేళ్ల బాలికను పొలాల్లోకి తీసుకెళ్లి ఓ వ్యక్తి అత్యాచారానికి పాల్పడ్డాడు. విషయం తెలిసిన తల్లిదండ్రులు ఆ కామాంధుడికి దేహశుద్ది చేసి పోలీసులుకు అప్పగించారు. ఈ ఘటనపై మహిళలు తీవ్ర ఆగ్రహం వ్యక్తపరిచారు. తాగిన మైకంలో ఇలాంటి దారుణాలకు పాల్పడుతున్నారంటూ జిల్లాలోని బెల్టు షాపులను కూల్చివేశారు.

వరంగల్ జిల్లాలో ఓ కీచక టీచర్ భాగోతం వెలుగులోకి వచ్చింది. చింతల్ ఉర్దూమీడియం పాఠశాలలో ఎనిమిదవ తరగతి చదువున్న విద్యార్థినిని మాయమాటలతో నమ్మబలికి ఆమెను గర్భవతిని చేశాడు ఓ టీచర్. విషయం తెలిసిన తల్లిదండ్రులు, బంధువులు పాఠశాల ఎదుట ఆందోళనకు దిగారు. ఈ దారుణానికి ఒడిగట్టిన ఉపాధ్యాయుడు పరారీలో ఉన్నాడు.

ప్రకాశం జిల్లా ఒంగోలు పాపాకాలనీలో ఓ దారుణం జరిగింది. ఆడపిల్ల పుట్టిందని భార్యపై ఓ కసాయి భర్త దాడి చేశాడు. తల్లీబిడ్డను ఇంటి నుంచి బయటకు గెంటేశాడు. ఈ ఘటనలో మహిళ తీవ్రంగా గాయపడింది. ఆమెను వెంటనే రిమ్స్‌కు తరలించారు.

హైదరాబాద్‌లోని నాచారంలో గల విజ్ఞాన భారతి స్కూల్‌లో ఓ విద్యారిని పీఈటీ టీచర్ చితకబాదాడు. విషయం తెలిసిన విద్యార్థి తల్లిదండ్రులు, బంధువులు పాఠశాల ముందు ఆందోళనకు దిగారు. విద్యార్థిపై చేయిచేసుకున్న ఉపాధ్యాయుడి పై బంధువులు దాడి చేశారు.

Published On January 3, 2013