దారుణం: కన్న కూతురుపై మూడేళ్లుగా అత్యాచారం
హోలీ సంబరాలు జరుపుకుందామని పుట్టింటికి వచ్చిన కూతురు(21)పై మళ్లీ అత్యాచారం చేసేందుకు ప్రయత్నించాడు ఆ దుర్మార్గపు తండ్రి. దీంతో ఆమె పోలీసులను ఆశ్రయించింది. బాధితురాలి ఫిర్యాదు మేరకు నిందితుడైన తండ్రి దినేష్ సోనీ(51)ని అరెస్ట్ చేసినట్లు బుధవారం పోలీసులు తెలిపారు.
ఘటనకు సంబంధించి పోలీసులు తెలిపిన కథనం ప్రకారం.. బాధితులు 9 ఏళ్లు ఉన్నప్పటి నుంచే ఆ తండ్రి ఆమెపై అత్యాచారానికి పాల్పడ్డాడు. ఇలా ఆమెకు 12 ఏళ్లు వచ్చే వరకు ఆమెపై తరచూ అత్యాచారానికి పాల్పడుతూనే ఉన్నాడు. తండ్రి బెదిరింపులకు బయపడిన బాధితురాలు, కుటుంబ సభ్యులు ఈ ఘాతుకాన్ని తమలో దాచుకున్నారు.
కోటలోని ప్రభుత్వ కళాశాలలో బిఏ పూర్తి చేసిన బాధితురాలికి ఈ ఏడాది జనవరిలో వివాహం జరిగింది. హోలీ సంబరాల కోసం వచ్చిన తనపై మళ్లీ అత్యాచారానికి ప్రయత్నించగా.. అడ్డుకున్న బాధితురాలి పోలీసులను ఆశ్రయించింది. కాగా, తన పట్ల తన తండ్రి లైంగిక వేధింపులకు పాల్పడుతున్నాడని మరో కూతురు నిందితునిపై పోలీసులకు ఫిర్యాదు చేసింది. బంగారం దుకాణం నడుపుతున్న నిందితుడు దినేష్ సోనీకి మద్యం అలవాటుందని పోలీసులు తెలిపారు.
Click it and Unblock the Notifications
Sign in with Google