• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

చెంచు కుర్రాడు

By హెచ్చార్కె
|

Kavitha
మర్నాటికి మాయమయ్యే కాసులు కొన్ని

జేబులో పోసుకుని

నా వంతు మోసం నేనూ చేద్దామని

బయల్దేరాను

బాట పొడుగునా మట్టి మీద

సూర్యుని వెచ్చని ముద్దల్లా

పొద్దుటి ఎండ

ఇదే దారి ఇలాగే వెళ్లు

అని చెబుతున్నట్లు

బాటకు అటూ ఇటూ రకరకాల చెట్లు

పెట్టల చుట్టూ కోడిపిల్లల్లా

చెట్ల చుట్టూ ముడుచుకుంటున్న పచ్చిక బయళ్లు

గడ్డిపువ్వుల మీద

ఆరాటంగా ఎదుగుతున్న అద్దం రెక్కల తూనీగలు

ఈ చల్లని వుదయం

రైల్వె గాజులపల్లెలో చింత చెట్టు కింద

చెంచు కుర్రాడు ఎక్కుపెట్టిన విల్లు

ఎటు తిరిగితే అటు తిరుగుతూ

నన్నే చూస్తుంది. దాని సౌందర్యం హాంట్ చేస్తుంది

చెంచు కుర్రాడు నిర్మోహి

ఎన్ని అందాలు ఊరించినా గురి మరువడ

ధనుర్భంగం చేయడు

నేనూ లేనూ

అతని ధనుర్బంగం చేయడానికి

చెంచు కుర్రాడు విద్రోహి

ధనుర్భంగమైనా

ధర్మభంగం చేయడు

నేనూ లేనూ

అతడి ధర్మభంగం చేయడానికి

ఆ కుర్రాడు ఓడిపోతాడు కాని వాడిపోడు

నా లోపలి బురదలోంచి మొలకెత్తుతూనే వుంటాడు

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X