• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఒక తాత్వికుడు

By ఇ వెంకటేష్
|

Kavitha
రెండు కన్నీటి చుక్కలు

కళ్ళలోకి దిగులు ఒంపుకొన్న చూపులు

బక్క చిక్కిన శరీరం

భారమైన హృదయం

కఠినమైన జీవితపు నడక

వెరసి వీదిలో బ్రతికే కళేబరం

చేతిలో సత్తు గిన్నెతో

చిల్లర నాణేల నాట్యం

దర్మాత్ముల హృదయాల లోకి నిశ్శబ్ద ప్రసారం

చేసే అసహాయపు ఆకలికేకలు

ఎవరిని నోరుతెరిచి అడగని సంస్కారం

పేవ్ మెంట్ నె నమ్ముకొన్న జీవితపు ఏకాకితనం

అతడేం బిక్షకుడు కాదు

అనుభవాల సారంలో పండిన ఆత్మ

అందకారాన్ని వెక్కిరించే నిలువెత్తు పుస్తకం

అటువైపు నేనెప్పుడు వెళ్ళినా

ఒక మంచి తాత్వికుడిని చూస్తాను

నా నాగరికతను సహాలు చేసే

ఒక అతీంద్రియ శక్తి అతని కనుల్లో

నిరంతరం ప్రవహిస్తూనే ఉంటుంది

అతడు జీవితపు తత్వాన్ని నిశ్శబ్ద సంగీతంలా

ప్రసారం చేస్తునే ఉంటాడు

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X