యాకూబ్ కవిత యధాతథం
నిన్ను నీవు వెతుక్కోవడమే ఇక మిగిలింది
నువ్వో అంకెగా మారకముందే -లేదా
మారాక నువ్వెక్కడున్నావో తెలుసుకోవడం చేయాల్సిన పని.
చిక్కుకున్నది 'సునామి'లోనో ,
తప్పిపోయింది ఏ మృత సిద్ధాంతంలోనో,
తొట్రుపడుతూ తిరుగాడుతున్నది ఏ ప్రియురాలి
అభద్రపు ప్రేమలోనో,
అసలు నువ్వు ఎక్కడున్నావో నిన్నునీవు వెతుక్కో!
సమస్యంతా వెతుక్కోవడం గురించే-
వెతికి వెతికి చిట్టచివరన
ఏది చేతికి తగులుతుందో -ఆ స్పర్శ
అదే నువ్వు!-
ఇక చుట్టూతా పేరుకుపోయింది ఇప్పటిదాకా
వెంటేసుకు తిరుగుతున్న అబద్దం.
***
మిగతా అంతా యధాతదం
కొంత నిజం,చాలా అబద్దం ; కొంచెం నీవు, చాలా నీవే కాని నువ్వు!
Click it and Unblock the Notifications
Sign in with Google