బాణాల కవిత మారని సిలబస్

అంతా నిశ్శబ్దం

శబ్దం కన్నా పదునైన

నిశ్శబ్దాన్ని మించిన నిశ్శబ్ద శబ్దం

మెదడును మెలిపెట్టే నిశ్శబ్దం

అమ్మ ఒడిలో పడుకొని

ఆకాశాన్ని తన్నుతున్న

పసిపాప కాళ్ల శబ్దం

నానార్థాల శబ్దం నిశ్శబ్దం

ఒక్కో పొరను వొలుచుకుంటూ

ఓ రంగుల ప్రపంచాన్ని ఆవిష్కరించే

అద్భుత నిశ్శబ్దం

గడ్డి పరక మీంచి జారి

భూమిని తాకే మంచు బిందువు చేసే నిశ్శబ్దం

నిశ్శబ్దాన్ని కౌగలించుకోవటం

శూన్యాన్ని పిడికిట్లో బిగించినంత మహాకార్యం

- బాణాల శ్రీనివాస రావు

English summary

Telugu poet Banala Srinivas speaks about sound of silence in his poem.