కవిత: గాయాలతో స్వేచ్చాగానం
నిజాలే చెప్పమని
మట్టిని నువ్వు పుట్టించలేదు
నీళ్ళు మన భావనలకంటే పురాతనమైనవి
నాగరికత మూలాన్నిఎక్కిరించకండి
పదాలని నోట్లో పెట్టుకొని ప్రశ్నిస్తున్న
భాషకు ఆకారమెలాఉంటుందో గీసి చూపెట్టమని
అక్షరాలు విడిపోతే ఆనందాలు ఎలా
చెల్లా చెదురవుతాయో వివరించమని
నదులకు దుఃఖము తెలుసు
వెలుగులో పరవళ్ళు తొక్కడం తెలుసు
మనిషి పారుతున్న నీళ్ళలో విషంకక్కడం ప్రమాదకరం
ఇసుకతో పరాచకాలాడడం ఒక ఆధిపత్యం
మాటని పదిలంగా సద్దిమూటలా విప్పుతున్న మా గతమెక్కడ
బతుకులో కన్నీరు నింపుతున్న మీ కాలమెక్కడ
ఉమ్మడి ని'బంధనా'ల నుంచి ఎగిరిపోతున్న పావురాల గుంపులకు
వలలువేసే మీ చేతులు
స్వేచ్ఛను అడ్డుకోవడానికి ఎన్ని అంత్రాలైన ఎక్కుతవి
ఎన్ని కుతంత్రాలైనా చేస్తవి
- వేముగంటి మురళీకృష్ణ
Click it and Unblock the Notifications
Sign in with Google