వలపుల సంద్రం: శ్రీస్వర్ణ కవిత

సాగరతీరంలో నీ చెంత ఆలపించిన గాత్రమాధుర్యానికి దేవశంఖాలన్నీ నాదాలు చేయడం ..అద్భుతమే !

నీవు జార్చిన నవ్వుల్ని ఒడిసిపట్టి ఆల్చిప్పలన్నీ స్వాతిముత్యాలకి మెరుగులు పెట్టడం ..అద్భుతమే !
నీ పాదాల్ని తాకిన ..ప్రతి నీటిబిందువు తమదే భాగ్యమని పరవశించడం ..అద్భుతమే !
నీ తీపి గుసగుసలు విని.. నాతొ పాటు తరంగాలు సైతం సిగ్గుతో తలవాల్చడం ..అద్భుతమే !
నీ స్వరమాధుర్యాన్ని విని సంద్రం పరుగుపరుగున ముందుకి రావడం ..అద్భుతమే !
నీ స్నిగ్ధసౌందర్యానికి మెచ్చి సముద్రుడు ..పాలనురగలతో అభిషేకించడం ..అద్భుతమే !
శీతల సమీరాలు సైతం పరిమళాల వాన కురిపించడం ...అద్భుతమే !
నీ పాదముద్రల స్పర్శకు పులకరించిన రేణువులు..ఇసుక సౌధాలు కట్టి నీ రాక కోసం వేచి చూడడం ..అత్యద్భుతమే!

English summary

Sree Swarna, a telugu poet expressed her love at ocean in her poem.