Punjab Kings ప్లే ఆఫ్స్ చేరాలంటే...ఇదీ లెక్క - ఆ టీంతోనే అసలు ముప్పు..!!
IPL 2026 కీలక దశకు చేరుకుంది. ప్లే ఆఫ్స్ లో మూడు జట్లు ఖరారయ్యాయి. నాలుగో జట్టు కోసం చివరి సమీకరణాలు ఆసక్తి కరంగా మారాయి. ప్రస్తుత ఐపీఎల్ సీజన్ ప్రారంభం నుంచి వరుస విజయాలతో దూకుడుగా కనిపించిన పంజాబ్ ఇప్పుడు ప్లే ఆఫ్స్ లో చివరి బెర్తు కోసం పోటీ పడుతోంది. పంజాబ్ కు బెర్తు అంత సులభంగా కనిపించటం లేదు. మూడు జట్లతో పోటీ పడుతోంది. దీంతో.. అసలు పంజాబ్ ప్లే ఆఫ్స్ చేరాలంటే సమీకరణాలు ఏంటి.. ఎలా గెలిస్తే ఛాన్స్ ఉందనేది ఇప్పుడు ఆసక్తి కరంగా మారుతోంది.
ఐపీఎల్ లో ప్లే ఆఫ్స్ కు నాలుగు జట్లు చేరాల్సి ఉండగా.. ఇప్పటికే మూడు జట్లు ప్లే ఆఫ్స్కు చేరాయి. నాలుగో స్థానం కోసం పోటీ తీవ్రతరమైంది. రాజస్థాన్ రాయల్స్, పంజాబ్ కింగ్స్, కోల్కతా నైట్ రైడర్స్, ఢిల్లీ క్యాపిటల్స్ ఆ ఒక్క ప్లే ఆఫ్స్ బెర్తు కోసం పోటీ పడుతున్నాయి. టోర్నీ ఆరంభంలో వరుస విజయాలతో అద్భుతమైన ఫామ్లో ఉన్న పంజాబ్ కింగ్స్.. అనూహ్యంగా గాడీ తప్పింది. వరుసగా ఏడు విజయాల తర్వాత ఆడిన అన్నింట్లోనూ ఓడి.. ప్లే ఆఫ్స్ బెర్తు కోసం శ్రమిస్తోంది. నేడు పంజాబ్.. లఖ్నవూ సూపర్ జెయింట్స్తో చావో రేవో మ్యాచ్ ఆడనుంది. కాగా, పంజాబ్ కింగ్స్ ప్రస్తుతం ప్లే ఆఫ్స్ రేసులో ఉన్నప్పటికీ.. భవిష్యత్తు మాత్రం వారి చేతుల్లో లేదు. ఫస్ట్ పంజాబ్ చేయాల్సిన పని ఏంటంటే.. నేడు లఖ్నవూతో జరిగే పోరులో తప్పక గెలవాలి. అప్పుడు తాత్కాలికంగా నాలుగో స్థానానికి చేరుతుంది. అయితే అదే సమయంలో రాజస్థాన్ రాయల్స్ తమ చివరి లీగ్ మ్యాచ్లో ఓడిపోవాలి.
ప్లే ఆఫ్స్ కు పంజాబ్ చేరాలంటే
అయితే, రాజస్థాన్ ప్రస్తుతం 14 పాయింట్లతో పంజాబ్ కంటే ముందుంది. ముంబై ఇండియన్స్ పై జరిగే పోరులో ఆర్ఆర్ ఓడితే పంజాబ్కు మార్గం సుగమనమవుతుంది. అయితే.. లక్నో పైన పంజాబ్ కింగ్స్ గెలిచి.. ముంబైపై ఆర్ఆర్ ఓడినా కోల్కతా రూపంలో పంజాబ్కు ముప్పు పొంచి ఉంది. కేకేఆర్.. ఢిల్లీ క్యాపిటల్స్పై గెలిస్తే నెట్రన్ రేట్ కారణంగా పంజాబ్కు షాక్ తగిలే అవకాశం ఉంది. ఉదాహరణకు పంజాబ్ కేవలం ఒక్క పరుగుతో లఖ్నవూపై గెలిస్తే.. కేకేఆర్ దాదాపు 52 పరుగుల తేడాతో ఢిల్లీపై విజయం సాధించాలి. ఏదైనా అద్భుతం జరిగితే తప్ప ఇది సాధ్యపడదు. కానీ ఇన్ని ట్విస్టులు ఇచ్చిన ఐపీఎల్ 2026లో ఏదైనా జరిగే అవకాశం లేకపోలేదని క్రికెట్ విశ్లేషకులు అభిప్రాయపడుతున్నారు. ఈ లెక్కలతో అసలు పంజాబ్ ప్లే ఆఫ్స్ చేరుతుందా లేదా అనేది మరింత ఉత్కంఠ పెంచుతోంది.
Click it and Unblock the Notifications
Sign in with Google