వైభవ్ బాబు ఛాన్స్ కొట్టేశాడు: టీ20లో చోటు: తిలక్ కు ప్రమోషన్: సూర్య అవుట్
భారత టీ20 క్రికెట్ జట్టులో ఊహించని మార్పులు చోటుచేసుకున్నాయి. జట్టులో సమూల ప్రక్షాళన దిశగా అడుగులు వేస్తున్న సెలక్షన్ కమిటీ.. టీ20 సారథ్య బాధ్యతలను శ్రేయాస్ అయ్యర్కు అప్పగించింది. అతని నాయకత్వంలో టీమిండియా తన తదుపరి ప్రయాణాన్ని ప్రారంభించనుంది. తిలక్ వర్మకు ప్రమోషన్ లభించింది. అతను వైస్ కేప్టెన్ సెలెక్ట్ అయ్యాడు.
ఈ నిర్ణయం ద్వారా భారత క్రికెట్ బోర్డు నూతన శకానికి నాంది పలుకుతోంది. ముంబైలో జరిగిన కీలక సమావేశం అనంతరం, ఐర్లాండ్, ఇంగ్లండ్ పర్యటనలతో పాటు ఆసియా క్రీడల కోసం జట్లను ఖరారు చేసింది. టీ20 జట్టు నుండి సూర్యకుమార్ యాదవ్ ను తప్పించారు సెలెక్టర్లు. ఇది క్రికెట్ వర్గాల్లో చర్చనీయాంశమైంది. కెప్టెన్సీ కోల్పోవడమే కాకుండా జట్టులో చోటు కూడా దక్కలేదతనికి.
ఇంగ్లండ్, ఐర్లాండ్ పర్యటనలకు ఎంపికైన జట్టులో యువ సంచలనం వైభవ్ సూర్యవంశీకి అవకాశం దక్కింది. ఐపీఎల్లో అతను ప్రదర్శించిన దూకుడు అతనిపై అంచనాలను భారీగా పెంచింది. ప్రత్యర్థి బౌలర్లను ఉతికి ఆరేసే సామర్థ్యం ఉన్న వైభవ్ ఎంపిక భారత జట్టులో కొత్త ఉత్సాహాన్ని నింపింది. అతని రాకతో జట్టు కూర్పు మరింత బలోపేతం కానుంది. ఐపీఎల్లో రాణించిన పలువురు యువ ఆటగాళ్లకు కూడా ఈ పర్యటనలో అవకాశం కల్పించారు సెలెక్టర్లు.
ఆసియా క్రీడల కోసం ఎంపిక చేసిన జట్టులో పేసర్ జస్ ప్రీత్ బుమ్రాను చేర్చడం మరో అంశం. బౌలింగ్ విభాగంలో అనుభవం, వేగం తోడవ్వడం జట్టుకు అదనపు బలం కానుంది. ఆసియా క్రీడల్లో స్వర్ణ పతకాన్ని కాపాడుకోవడమే లక్ష్యంగా జట్టును సిద్ధం చేస్తున్నారు. టీ20 ఫార్మాట్లో తదుపరి రెండు ప్రపంచకప్ సైకిళ్లను దృష్టిలో ఉంచుకుని, సెలెక్టర్లు అత్యంత సమతుల్యమైన జట్టును నిర్మించారు. ఈ క్రమంలో ఇషాన్ కిషన్, శివం దూబే వంటి ఆటగాళ్లు జట్టులో కీలక పాత్ర పోషించనున్నారు.
భారత క్రికెట్ సెలక్షన్ కమిటీ తీసుకున్న ఈ నిర్ణయాలు ఒక సాహసోపేతమైన ముందడుగుగా కనిపిస్తున్నాయి. గత విజయాలను మాత్రమే పరమావధిగా కాకుండా, భవిష్యత్తు అవసరాలకు అనుగుణంగా జట్టును ప్రక్షాళన చేయాలనే బోర్డు దృక్పథం స్పష్టమవుతోంది. కొత్త సారథ్యం, యువ శక్తితో కూడిన ఈ టీమ్ ఇండియా, అంతర్జాతీయ వేదికలపై ఎలాంటి ప్రభావాన్ని చూపుతుందో వేచి చూడాలి.
ఐర్లాండ్, ఇంగ్లాండ్ టీ20 సిరీస్లకు ఎంపికైన జట్టు: శ్రేయాస్ అయ్యర్ (కెప్టెన్), తిలక్ వర్మ (వైస్ కెప్టెన్), రవి బిష్ణోయ్, అభిషేక్ శర్మ, నితీష్ కుమార్ రెడ్డి, మహమ్మద్ సిరాజ్, సంజూ శాంసన్, అక్షర్ పటేల్, హర్షిత్ రాణా, ఇషాన్ కిషన్, వాషింగ్టన్ సుందర్, అర్ష్దీప్ సింగ్, శివం దూబే, వరుణ్ చక్రవర్తి, ప్రిన్స్ యాదవ్, వైభవ్ సూర్యవంశీ.
ఆసియా క్రీడల కోసం జట్టు: శ్రేయాస్ అయ్యర్ (కెప్టెన్), తిలక్ వర్మ (వైస్ కెప్టెన్), రవి బిష్ణోయ్, అభిషేక్ శర్మ, నితీష్ కుమార్ రెడ్డి, జస్ ప్రీత్ బుమ్రా, సంజూ శాంసన్, అక్షర్ పటేల్, హర్షిత్ రాణా, ఇషాన్ కిషన్, వాషింగ్టన్ సుందర్, అర్ష్దీప్ సింగ్, శివం దూబే, వరుణ్ చక్రవర్తి, వైభవ్ సూర్యవంశీ.
Click it and Unblock the Notifications
Sign in with Google