• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఇప్పుడు దూరమే, 2019 నారా లోకేష్ టార్గెట్

By Pratap
|
Nara Lokesh
హైదరాబాద్: పార్టీలో క్రియాశీలక పాత్ర పోషిస్తున్న తెలుగుదేశం పార్టీ అధ్యక్షుడు నారా చంద్రబాబు నాయుడు కుమారుడు నారా లోకేష్ వచ్చే ఎన్నికల్లో పోటీ చేయక పోవచ్చునని అంటున్నారు. పార్టీని ఏకతాటిపైకి తెచ్చి విజయం దిశగా నడిపించేందుకు అవసరమైన కార్యాచరణకు ఆయన పరిమితమయ్యే అవకాశాలున్నట్లు చెబుతున్నారు. 2019 ఎన్నికల్లో మాత్రం కచ్చితంగా పోటీ చేస్తారని చెబుతున్నారు.

రానున్న ఎన్నికలు పార్టీకి తిరిగి జీవం పోయడమేనని, పార్టీని గెలిపించేందుకు సర్వశక్తులు కేంద్రీకరించ వలసి ఉన్నందున లోకేష్‌ పోటీ చేయడం సాధ్యపడదని అంటున్నారు. చంద్రబాబు సహా అగ్రనేతలంతా ఎన్నికల్లో మునిగిపోతే తెరవెనుక, ముందు చేయవలసిన కసరత్తు, యంత్రాంగ పర్యవేక్షణ, సర్వేలు ఇవన్నీ ఎవరు చేస్తారని ప్రశ్నిస్తున్నారు. కాగా, ఇదంతా ఒక వ్యూహం ప్రకారం జరుగుతున్న ప్రచారం మాత్రమేనని లోకేష్‌ సన్నిహితులు అనుమానం వ్యక్తం చేస్తున్నారు.

లోకేష్‌ కూడా ఎన్నికల బరిలో దిగితే ఇక 2014 ఎన్నికల్లో సమన్వయం చేసే సామర్ధ్యం ఉన్న వారెవరూ ఉండరని, అప్పుడు తమ విజయం సులభం అవుతుందున్న ముందుచూపుతోనే, ఈ రకమైన ప్రచారానికి తెరలేపారని విశ్లేషిస్తున్నారు. దీని వెనుక పక్కా ప్రణాళిక ఉందని, లోకేష్‌ను క్రియాశీలకంగా వ్యవహరించకుండా దూరంగా ఉంచే ఎత్తుగడలో భాగమేనని అంటున్నారు. ఇప్పుడు తాను పోటీ చేయనని, ఇప్పుడు అందరం కలిసికట్టుగా పనిచేసి పార్టీ గెలిపిద్దామని, 2019 ఎన్నికల్లో తాను కూడా పోటీ చేస్తానని లోకేష్ పార్టీ సీనియర్లకు చెబుతున్నారట.

లోకేష్‌ చాలాకాలం నుంచి తెరవెనుక ఉండి పార్టీ కార్యక్రమాల్లో కీలకపాత పోషిస్తున్నారు. నేతల మధ్య సమన్వయం చేస్తున్నారు. ఇటీవల జరుగుతున్న పరిణామాలను నిశితంగా గమనిస్తున్న లోకేష్‌ ముఖ్య నాయకులతో మాట్లాడుతూ, సంయమనం పాటించాలని అభ్యర్ధిస్తున్నారు. పార్టీ అధికారంలోకి రానున్న ఈ సమయంలో వివిధ అంశాలపై సంయమనం పాటించి, సమస్యను మరింత తీవ్రతరం చేయవద్దని నచ్చచెప్పే ప్రయత్నాలు చేస్తున్నారు. అదే సమయంలో ప్రత్యర్థులపై విరుచుకుపడేందుకు అవసరమైన వ్యాఖ్యలను కూడా ఆయన అందిస్తున్నారు.

తెలుగు మ్యాట్రిమోనిలో మీకు నచ్చిన జీవిత భాగస్వామి ఎంపికలు - రిజిస్ట్రేషన్ ఉచితం!

lok-sabha-home

English summary
It is said that Telugudesam party president Nara Chandrababu Naidu's son Nara Lokesh may not contest coming election and he decided to supervise the electioneering of TDP.

Oneindia బ్రేకింగ్ న్యూస్
రోజంతా తాజా వార్తలను పొందండి

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more