వీసాదారుల వర్క్‌పర్మిట్లు రద్దు?

భారత్‌కు తిరిగొచ్చిన హెచ్‌-1బీ వీసాదారుల అమెరికన్‌ వర్క్‌పర్మిట్ల పునరుద్ధరణ నిలిచిపోయింది. అమెరికా కాన్సులర్‌ కార్యాలయాల్లో వారి అపాయింట్‌మెంట్లు హఠాత్తుగా రీషెడ్యూల్‌ చేసిందని అంతర్జాతీయ మీడియా కథనాలు వెలువరించింది. డిసెంబర్‌ 15-26 మధ్య అపాయింట్‌మెంట్లను వాయిదా వేసింది. ఈ సమయంలో అమెరికాలో హాలిడే సీజన్‌ కావడం కూడా ఓ కారణంగా నిలిచింది. మరోవైపు అమెరికా విదేశాంగశాఖ మాత్రం ట్రంప్‌ కార్యవర్గం మొదలుపెట్టిన సోషల్‌ మీడియా వెట్టింగ్‌ పాలసీ వల్లే జాప్యం జరుగుతోందని అభ్యర్థులకు ఈమెయిల్స్‌ పంపినట్లు సమాచారం.