వాలెంటైన్స్ డే స్పెషల్.. ఓటీటీలోకి తెలుగు బోల్డ్ సిరీస్..!

ప్రముఖ తెలుగు ఓటీటీ ప్లాట్‌ఫామ్ ఆహా లో దాదాపు మూడేళ్ల క్రితం '3 రోజెస్' వెబ్ సిరీస్ వచ్చిన విషయం తెలిసిందే. డైరెక్టర్ మారుతి అండ్ టీమ్ నుంచి వచ్చిన ఈ వెడ్ సిరీస్‌ కు యువత నుంచి మంచి క్రేజ్ దక్కింది. ఇందులో ఈషా రెబ్బా, హర్ష చెముడుతో పాటు మిగతా వాళ్లు చేసిన వినోదం అందరికీ నచ్చుతుంది. దాంతో ఆ సిరీస్ కు సీక్వెల్ గా '3 రోజెస్ సీజన్ 2' ను గతంలో తీసుకొచ్చారు. ఇది కూడా యూత్ ను విపరీతంగా ఆకట్టుకుంది. '3 రోజెస్ సీజన్ 2' కూడా ఇప్పటికే స్ట్రీమింగ్‌లోకి వచ్చింది. ఇక ఈ సిరీస్‌ లో ఈషా రెబ్బా, రాశి సింగ్, కుషిత కల్లపు లీడ్ రోల్స్‌ లో నటించి తమ యాక్టింగ్ తో మెప్పించారు.

అయితే.. ఈ బోల్డ్ వెబ్ సిరీస్‌ ను ఇప్పుడు మూవీగా ప్రేక్షకుల ముందుకు తీసుకొస్తున్నట్లు వెబ్ సిరీస్ నిర్మాణ సంస్థ పేర్కొంది. ఫిబ్రవరి 14న వాలెంటైన్స్ డే సందర్భంగా ప్రముఖ ఓటీటీ ప్లాట్ ఫామ్ ఆహాలో స్ట్రీమింగ్ చేయబోతున్నట్లు మేకర్స్ తాజాగా వెల్లడించారు. ఇక ఈ వెబ్ సిరీస్ ‌ను చూడని వారు ఈ చిత్రాన్ని చూసి ఎంజాయ్ చేస్తారని మేకర్స్ ధీమా వ్యక్తం చేస్తున్నారు. మరి ఈ బోల్డ్ రొమాంటిక్ కామెడీ చిత్రం ప్రేక్షకులను ఏమాత్రం అలరిస్తుందో చూడాలి.

ఇక ఈ సినిమాను కిరణ్ కె కరవల్ల డైరెక్ట్ చేశారు. అలాగే ఎస్‌ కే ఎన్ ప్రొడ్యూస్ చేశారు. దీనికి షో రన్నర్ గా మారుతి ఉండటం విశేషం. రెండో సీజన్ లో నాలుగు ఎపిసోడ్లు మాత్రమే ఉన్నాయి. ఈ సిరీస్ రీతూ, మేఘన, సృష్టి అనే ముగ్గురు అమ్మాయిల చుట్టూ తిరిగే కథ. ముంబై నేపథ్యంలో స్టోరీ సాగుతుంది. అక్కడి లైఫ్ స్టైల్ కు తగినట్లే ఈ కొత్త సీజన్ తొలి సీజన్ కంటే మరింత బోల్డ్ గా ప్రేక్షకుల ముందుకు వచ్చింది. ఇందులో ఈషా రెబ్బా, రాశి సింగ్, కుషిత ముగ్గురు తమ నటనతో మెప్పించారు. కామెడీ, ఎమోషనల్ డైలాగ్స్‌ తో ఆకట్టుకున్నారు.