దేవుడా ఆ హీరో నా గదిలోకి రాకుండా చూసుకో...స్టార్ హీరోయిన్ సంచలన కామెంట్స్

ప్రతి ఇండస్ట్రీల్లోనూ మహిళలకు వేధింపులు తప్పడం లేదు. పని చేసే ప్రతిచోట అమ్మాయిలు అభద్రతా భావంతో ఉన్నారని ఇటీవల ఓ సర్వేలో తేలింది. ఇక సినిమా ఇండస్ట్రీలో లైంగిక వేధింపుల గురించి కొత్తగా చెప్పాల్సిన పనిలేదు. ఇండస్ట్రీలో కాస్టింగ్ కౌచ్ ఉందని చాలామంది బహిరంగంగానే వెల్లడించారు. తమకు ఎదురైన లైంగిక వేధింపులు ,కాస్టింగ్ కౌచ్‌, కమింట్మెంట్‌ల గురించి హీరోయిన్లు, క్యారెక్టర్ ఆర్టిస్టులు ఇటీవల పలు సందర్భాల్లో వెల్లడిస్తున్నారు. తాజాగా బాలీవుడ్ ఒకప్పటి స్టార్ హీరోయిన్ సైతం తన జీవితంలో ఎదురైన లైంగిక వేధింపుల గురించి చెప్పుకొచ్చారు.

ఆ హీరోయిన్ మరెవ్వరో కాదు..మల్లిక శెరావత్‌. ఒకప్పుడు బాలీవుడ్‌లో మల్లిక శెరావత్‌కు సూపర్ క్రేజ్ ఉండేది. ముఖ్యంగా స్టార్ హీరోల సినిమాల్లో ఐటం సాంగ్స్‌‌లో నటించి మంచి గుర్తింపు దక్కించకుంది. ఈ తరానికి మల్లిక శెరావత్‌ పెద్దగ తెలియకపోవచ్చు కానీ..2000ల్లో యూత్‌కు మల్లిక శెరావత్‌ ఓ శృంగార దేవతే అని చెప్పాలి. కొత్తతరం హీరోయిన్లు ఎంట్రీ ఇవ్వడంతో మల్లిక శెరావత్‌ రేసులో వెనుకపడ్డారు. దీంతో కొన్నాళ్లు సినిమాలకు దూరంగా మల్లిక శెరావత్‌, ఇటీవలే తన సెకండ్ ఇన్నింగ్స్ మొదలుపెట్టారు. తాజాగా 'విక్కీ విద్యా క వో వాలా వీడియో' అనే సినిమాలో నటించరామె.

త్రిప్తి డిమ్రీ, రాజ్‌కుమార్‌ రావ్‌ ప్రధాన పాత్రలు పోషిస్తున్న ఈ సినిమా అక్టోబర్ 11న ప్రేక్షకుల ముందుకు రానుంది. సినిమా ప్రమోషన్స్‌లో పాల్గొన్న మల్లిక శెరావత్‌ సినిమా విషయాలతో పాటు, తన జీవితంలో ఎదురైన కొన్ని సంఘటనల గురించి చెప్పుకొచ్చారు. ఈ సందర్భంగా ఆమె మాట్లాడుతూ..ఇండస్ట్రీలో ఎన్నో వేధింపుల సమస్యలు ఎదుర్కొన్నానని తెలిపారు. ఓ సినిమా షూటింగ్ కోసం దుబాయ్ వెళ్లాల్సి వచ్చింది. అయితే దుబాయ్‌లో ఉండగా ఒకరోజు ఆ సినిమాలోని హీరో అర్ధరాత్రి వచ్చి నా గది తలుపు తట్టాడు. నేను తలుపులు తీయకపోవడంతో అతను గట్టి గట్టిగా తలుపులు కొట్టాడం మొదలుపెట్టాడు. దాంతో నాకు చాలా భయం వేసి.. దేవుడా అతను నా గదికి రాకుండా చూడు స్వామి అని ప్రార్థించుకున్నాను. ఆ ఘటన తర్వాత మళ్లీ ఆ హీరోతో కలిసి పని చేయలేదని మల్లిక చెప్పుకొచ్చింది. అయితే ఆ హీరో పేరు మాత్రం ఆమె వెల్లడించడానికి ఇష్టపడలేదు.

English summary

Mallika Sherawat spoke about the sexual harassment she faced in her life.