తెలుగులో 5 రోజుల్లో షూటింగ్ పూర్తిచేసుకున్న రవితేజ సినిమా

రామ్ గోపాల్ వర్మ దర్శకత్వంలో రవితేజ, ఛార్మి, ప్రకాష్ రాజ్, లక్ష్మీ మంచు, బ్రహ్మానందం, సునీల్ కాంబినేషన్‌లో అతి తక్కువ సమయంలో షూటింగ్ పూర్తి చేసిన సినిమా 'దొంగల ముఠా'. ఈ సినిమాను కేవలం 4.5 రోజుల్లో పూర్తి చేసి వర్మ రికార్డు సృష్టించారు. స్టార్ డైరెక్టర్లు పూరీ జగన్నాథ్ కో-డైరెక్టరుగా, హరీష్ శంకర్ అసోసియేట్ డైరెక్టరుగా దొంగల ముఠాకు పనిచేయడం విశేషం. ఈ సినిమాకు ఎటువంటి భారీ కెమెరాలు వాడకుండా కేవలం కానన్ 5D డిజిటల్ కెమెరాలతో, సహజ సిద్ధమైన వెలుతురులో చిత్రీకరించారు.

ముందుగా ఎవరూ డబ్బులు తీసుకోలేదు..

దీనిని 'జీరో బడ్జెట్' సినిమాగా తీశారు. నటీనటులు, సాంకేతిక నిపుణులు ఎవరూ ముందుగా పారితోషికం తీసుకోలేదు. సినిమా విడుదలయ్యాక వచ్చే లాభాల్లో వాటాలు పంచుకోవాలని ఒప్పందం చేసుకున్నారు. సాధారణంగా వందల మంది ఉండే సినిమా సెట్‌లో, కేవలం 7 నుండి 8 మంది సిబ్బందితోనే ఈ సినిమాను పూర్తి చేశారు. ఈ సినిమా బాక్సాఫీస్ వద్ద పెద్దగా ప్రభావం చూపకపోయినా, అతి తక్కువ సమయంలో సినిమాను ఎలా తీయవచ్చో నిరూపించిన ఒక గొప్ప సాంకేతిక ప్రయోగంగా నిలిచిపోయింది. ఇటువంటి ప్రయోగాలకు రామ్ గోపాల్ వర్మ ముందుంటారు. సాధారణంగా ఒక సినిమా షూటింగ్ పూర్తిచేసుకోవాలంటే కనీసం 6 నెలల సమయం పడుతుంది. ప్రస్తుతం రెండు సంవత్సరాలపాటు సినిమాలు తీసే దర్శకులు కూడా ఉన్నారు.

5 రోజులకు ఆరున్నర లక్షలైంది..

5 రోజులకు షూటింగ్ ఖర్చు రూ.6.5 లక్షలైంది. అమర్ మోహిలే బీజీఎం అందించారు. టైటిల్ సాంగ్ కు సత్యం సంగీతం అందించారు. షూటింగ్ పూర్తయిన తర్వాత కేవలం 33 రోజుల్లోనే థియేటర్లలోకి అడుగుపెట్టింది. 2011 మార్చి 18న విడుదలై మిశ్రమ ఫలితాన్ని అందుకుంది. రవితేజ, ఛార్మి తమ స్నేహితుడి పెళ్లికి వెళ్తుండగా నిర్మానుష్య ప్రాంతంలో కారు పాడైపోతుంది. వారు సహాయం కోసం దగ్గరలో ఉన్న ఒక పాడుబడ్డ రిసార్ట్‌కు వెళ్తారు. అయితే ఆ రిసార్ట్ సిబ్బంది వింతగా ప్రవర్తిస్తుంటారు. అక్కడ ఒక ప్రముఖ వ్యాపారవేత్త (బ్రహ్మానందం) కిడ్నాప్ అయి ఉన్నాడని వారికి తెలుస్తుంది. ఆ కిడ్నాపర్ల నుండి ఆ జంట, వ్యాపారవేత్త ఎలా తప్పించుకున్నారనేదే ఈ సినిమా క్లైమాక్స్.

English summary

Ram Gopal Varma filmed the movie Dongala Mutha, starring Ravi Teja and Charmi, in just four and a half days. Initially, no one received any remuneration for this film; instead, they entered into an agreement to take a share of the profits generated after its release.