యుద్ధం పేరిట పాకిస్తాన్ ప్రజలను చంపడం సిగ్గు చేటు ..స్టార్ హీరోయిన్ సంచలన పోస్ట్

పహల్గామ్‌‌లో ఉగ్రవాదుల దాడి తర్వాత ఇండియా , పాకిస్థాన్ మధ్య ఉద్రిక్తత పరిస్థితులు నెలకున్న సంగతి తెలిసిందే. సరిగ్గా ఇదే సమయంలో ఉగ్ర దాడికి ప్రతీకారం తీర్చుకుంది భారత్. ఆపరేషన్ సింధూర్‌ పేరిట పాకిస్థాన్‌‌లో ఉన్న ఉగ్రవాదుల స్థావరాలపై దాడి చేసింది భారత్ ఆర్మీ. ఈ దాడిలో పలువురు ఉగ్రవాదులు హతమయ్యారు. ఆపరేషన్ సింధూర్‌ సక్సెస్ కావడంపై సినీ, రాజకీయ ప్రముఖులు స్పందిస్తున్నారు.అయితే ఓ హీరోయిన్ ఈ ఘటనపై వివాదాస్పద పోస్ట్ పెట్టింది. ఆ పోస్ట్ పెట్టిన హీరోయిన్ మరెవరో కాదు..మలయాళ నటి అమీనా నిజం. టెలివిజన్ రియాలిటీ షో ద్వారా కెరీర్ ప్రారంభించిన అమీనా నిజం ఆ తర్వాత పలు సినిమాల్లో నటించింది. తాజాగా ఈ భామ ఇండియా, పాక్ యుద్ధంపై తనదైన శైలిలో రియాక్ట్ అయింది.

"చాలా ప్రశ్నలకు ఇంకా సమాధానం దొరకనప్పుడు , దేశ ఆర్థిక పరిస్థితి అత్యంత దారుణంగా ఉన్నప్పుడు, మా దేశం హత్యను ఒక పరిష్కారంగా ఎంచుకున్నందుకు నేను సిగ్గుపడుతున్నాను. యుద్ధం శాంతిని తీసుకురాదని లేదా చంపడం వల్ల న్యాయం జరగదని గుర్తుంచుకోండి. నేను దానిని సమర్థించను. పహల్గామ్ దాడికి ప్రతీకారం తీర్చుకున్నామని భావించే ప్రజలు తప్పుదోవ పట్టించారు. మనం ఒక యుద్ధంలోకి దిగుతున్నాము మరియు నష్టం కేవలం పౌరులకే ఉంటుంది. నేను నా ప్రజల సంక్షేమం గురించి ఆలోచించే భారతీయురాలిని, అహం దెబ్బతిన్నప్పుడు మాత్రమే మాట్లాడే వ్యక్తిని కాదు" అంటూ తన పోస్ట్‌లో రాసుకొచ్చింది.

ఈ పోస్ట్ వెంటనే వైరల్ కావడంతో నెటిజన్లు ఆమెపై ఆగ్రహం వ్యక్తం చేస్తున్నారు.అమీనా దేశ వ్యతిరేకి అని చాలా మంది నెటిజన్లు ఆమెను తీవ్రంగా విమర్శించారు. కొందరు ఆమెను పాకిస్తాన్‌కు వెళ్లమని కూడా సూచించారు. విమర్శలు వెల్లువెత్తడంతో, అమీనా తన పోస్ట్‌ను తొలగించి, క్షమాపణలు కోరింది. ఒక న్యాయవాది షేర్ చేసిన కథనాన్ని తాను పోస్ట్ చేశానని, అందులో పాకిస్తాన్ పౌరులను చంపినట్లు పేర్కొన్నారని, అయితే పౌరులెవరూ చనిపోలేదని అధికారికంగా తెలియడంతో తాను ఆ స్టోరీని తొలగించానని ఆమె వివరించింది. అయితే, అప్పటికే ఆమె వ్యాఖ్యలు తీవ్ర దుమారం రేపాయి.

English summary

shameful to kill Pakistani people in the name of war - Heroine actress Amina Nijam.