స్టార్ బాయ్ సడన్‌గా ఇలా మారిపోయాడేంటి? పోస్టర్ చూస్తే ఎన్నో ప్రశ్నలు!
తనదైన టైమింగ్, యూత్‌ఫుల్ కామెడీ మేనరిజమ్స్‌తో స్టార్ బాయ్‌గా గుర్తింపు తెచ్చుకున్న కథానాయకుడు సిద్ధు జొన్నలగడ్డ తన కెరీర్లో 10వ సినిమాకు శ్రీకారం చుట్టారు. ఇప్పటివరకు ఆయనను చూసిన తరహా పాత్రలకు భిన్నంగా, పూర్తిస్థాయి రొమాంటిక్ లవ్ స్టోరీతో ఈ సారి ప్రేక్షకులను అలరించేందుకు సిద్ధమవుతున్నారు. ఈ ప్రతిష్టాత్మక చిత్రాన్ని ప్రముఖ నిర్మాణ సంస్థలు సుకుమార్ రైటింగ్స్, బన్నీ వాస్ వర్క్స్ సంయుక్తంగా నిర్మిస్తున్నాయి. ఈ సినిమాలో నయన్ సారిక కథానాయికగా నటిస్తోంది.
రొమాంటిక్‌గా అలరిస్తున్న థీమ్ పోస్టర్
సినిమా ప్రకటన సందర్భంగా సినిమా బృందం ఓ మనోహరమైన థీమ్ పోస్టర్‌ను విడుదల చేసింది. జలపాతం, పచ్చటి వాతావరణం, పెద్ద చెట్టుకు వేలాడుతున్న ఊయల, దానిపై పరిచిన వర్ణరంజితమైన క్లాత్ డిజైన్‌తో కూడిన ఈ పోస్టర్ సినిమాలోని ప్రాణప్రదమైన ప్రేమను, కళాత్మక దృశ్యకావ్యాన్ని ఆవిష్కరిస్తోంది. డీజే టిల్లు లాంటి ఎంటర్‌టైనర్ తర్వాత సిద్ధు జొన్నలగడ్డ ఓ సున్నితమైన లవ్ స్టోరీని ఎంచుకోవడం సినీ ప్రియుల్లో ఉత్కంఠను రేకెత్తిస్తోంది.
సుకుమార్-బన్నీ వాసు కాంబినేషన్ రిపీట్
సుకుమార్ రైటింగ్స్ పతాకంపై బన్నీ వాసు నిర్మిస్తున్న రెండో సినిమా ఇది కావడం విశేషం. ఈ సినిమాను తబిత సుకుమార్ సమర్పిస్తుండగా.. అనమోల్ శర్మ, బన్నీ వాసు, అశోక్ బండ్రెడ్డి సంయుక్తంగా నిర్మిస్తున్నారు. నిర్మాణ విలువల్లో ఎక్కడా రాజీ పడకుండా ఈ సినిమాను నిర్మిస్తున్నట్లు నిర్మాతలు వెల్లడించారు.
అగ్రశ్రేణి సాంకేతిక వర్గం
ఈ సినిమాకు టాలీవుడ్, కోలీవుడ్లలో మంచి క్రేజ్ ఉన్న అగ్రశ్రేణి సాంకేతిక నిపుణులు పనిచేస్తున్నారు. ప్రముఖ మ్యూజిక్ డైరెక్టర్ జీవీ ప్రకాష్ కుమార్ సంగీతం అందిస్తుండగా.. చండ్రూ సెల్వరాజ్ సినిమాటోగ్రాఫర్‌గా వ్యవహరిస్తున్నారు. సాహి సురేష్ ప్రొడక్షన్ డిజైన్ బాధ్యతలను పర్యవేక్షిస్తున్నారు. సిద్ధు జొన్నలగడ్డలోని సరికొత్త నటుడిని ఆవిష్కరించబోతున్న ఈ సినిమా ఆయన కెరీర్లోనే మైలురాయిగా నిలిచిపోతుందని చిత్ర బృందం ధీమా వ్యక్తం చేస్తోంది.
సిద్దు జొన్నలగడ్డ, నయన్ సారిక ల కొత్త సినిమా ప్రారంభం అయింది. #Siddhu10 https://t.co/57zJ9leiZf
— H A N U (@HanuNews) November 11, 2026
Click it and Unblock the Notifications
Sign in with Google
