• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్ పై కెసిఆర్ కుట్ర?

By Pratap
|

K Chandrasekhar Rao
కాంగ్రెసు కడప పార్లమెంటు సభ్యుడు వైయస్ జగన్ ఓదార్పు యాత్రకు పార్టీ అధిష్టానం అనుమతి నిరాకరించడం వెనక తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు కుట్ర చేశారని సాక్షి దినపత్రికలో పతాక శీర్షిక కింద వార్తాకథనం ప్రచురితమైంది. కెసిఆర్ తో కేంద్ర మంత్రి ఎస్ జైపాల్ రెడ్డి, కాంగ్రెసు నాయకులు కె. కేశవరావు, వి హనుమంత రావు కుమ్మక్కయ్యారని కూడా జగన్ కు చెందిన ఆ పత్రిక ఆరోపించింది. టెన్ టు సిక్స్ కౌటిల్య పాలిటిక్స్ శీర్షికతో ఆ వార్తాకథనాన్ని సాక్షి దినపత్రిక ప్రచురించింది. జగన్ ఓదార్పు యాత్రకు కాంగ్రెసు ఆంధ్రప్రదేశ్ వ్యవహారాల ఇంచార్జీ వీరప్ప మొయిలీ అనుమతి ఇచ్చి మీడియాకు వివరించాలని చెప్పిన తర్వాత జైపాల్ రెడ్డి, కేశవరావు, హనుమంతరావు చక్రం తిప్పారని ఆ వార్తాకథనం ఆరోపణ. ఈ కుట్ర తెలంగాణకు చెందిన 8 మంది కాంగ్రెసు పార్లమెంటు సభ్యులు కూడా పాలు పంచుకున్నారని తెలిపింది.

ఆ వార్తా కథనం ప్రకారం - జగన్ ఓదార్పు యాత్ర అనుమతి లభించిన వెంటనే కెసిఆర్ కేశవరావుకు ఫోన్ చేశారు. కేశవరావు కాంగ్రెసు నేతలకు, తెలంగాణ పార్లమెంటు సభ్యులకు ఫోన్ చేసి మాట్లాడారు. అంతేకాకుండా జైపాల్ రెడ్డి, హనుమంత రావులకు ఫోన్ చేసి ఓదార్పు యాత్రను ఆపించేందుకు అధిష్టానంపై ఒత్తిడి తేవాలని కోరారు. ముఖ్యమంత్రి కె. రోశయ్య కూడా అధిష్టానం పెద్దలతో మాట్లాడి యాత్ర ఆపించాలని కోరారు. ఆ ప్రతిపాదన తమ నుంచి వస్తే బాగుండదని వారు రోశయ్యకు చెప్పారు. దాంతో ఆ వెంటనే మంత్రులు, జెసి దివాకర్ రెడ్డి వంటి కాంగ్రెసు సీనియర్ శాసనసభ్యులు రంగంలోకి దిగి జగన్ వ్యవహారశైలిని తప్పు పడుతూ ప్రకటనలు చేశారు.

రోశయ్య మాట్లాడడం, మంత్రులు, శాసనసభ్యులు ప్రకటనలు చేయడం, హైదరాబాద్ నుంచి అధిష్టానానికి ఫాక్స్ లు వెళ్లడం చకచకా జరిగిపోయాయి. దీంతో వ్యవహారం సోనియా రాజకీయ సలహాదారు అహ్మద్ పటేల్ దృష్టికి వచ్చింది. ఆయన మొయిలీతో మాట్లాడి విషయాన్ని సోనియాకు వివరించారు. సోనియా ఆదేశాలు రావడంతో మొయిలీ మంగళవారం సాయంత్రం ప్రకటన చేశారు. జగన్ ఓదార్పు యాత్రకు అనుమతి ఇవ్వలేదని ఆయన చెప్పారు. ఇలా సాయంత్రంలోగా జగన్ జాతకం తిరగబడింది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X