• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జూ ఎన్టీఆర్‌కు ఆ సత్తా ఉందా?

By Pratap
|
Google Oneindia TeluguNews
Jr Ntr
భారీ అంచనాలతో జూనియర్ ఎన్టీఆర్ హీరోగా నటించిన శక్తి సినిమా శుక్రవారం విడుదలైంది. ఇదే రోజు కృష్ణా జిల్లా తెలుగుదేశం పార్టీలో కుమ్ములాటల నేపథ్యంలో జూనియర్ ఎన్టీఆర్ రాజకీయంగా తెర మీదికి వచ్చింది. జూనియర్ ఎన్టీఆర్ తాత స్వర్గీయ ఎన్టీ రామారావు పుట్టి పెరిగింది కృష్ణా జిల్లాలోనే. అందువల్ల తెలుగుదేశం పార్టీ వ్యవహారాలకు, కార్యకలాపాలకు కృష్ణా జిల్లా కేంద్ర బిందువుగా మారింది. జూనియర్ ఎన్టీఆర్‌కు సన్నిహితులైన శాసనసభ్యుడు కొడాలి నాని, విజయవాడ పార్టీ నాయకుడు వల్లభనేని వంశీ తెలుగుదేశం పార్టీ అధ్యక్షుడు నారా చంద్రబాబు నాయుడికి సన్నిహితుడైన కృష్ణా జిల్లా పార్టీ అధ్యక్షుడు దేవినేని ఉమా మహేశ్వర రావుపై తిరుగుబాటు ప్రకటించారు. దేవినేని ఉమపై తీవ్ర వ్యాఖ్యలు చేశారు. వల్లభనేని వంశీ పార్టీ పదవికి రాజీనామా చేశారు. అందుకు ప్రతిగా ఉమా మహేశ్వరరావు పార్టీ పదవికి రాజీనామా చేశారు.

కృష్ణా జిల్లా రాజకీయాలు వీధిన పడిన నేపథ్యంలో జూనియర్ ఎన్టీఆర్ పేరు రాజకీయ పాత్రపై చర్చ ప్రారంభమైంది. రాజకీయాల్లో తెలుగుదేశం పార్టీ పగ్గాలు చేపట్టే నేత ఎవరనే చర్చ కూడా అదే సమయంలో సాగుతోంది. తాత ఎన్టీ రామారావును స్ఫూర్తిగా భావించి, ఆయనను ఆరాధ్యదైవంగా ఆరాధించే జూనియర్ ఎన్టీఆర్ తాతలాగే రాజకీయాల్లో కూడా అడుగు పెడతారా అనే ఆలోచన చాలా కాలంగానే ఉంది. 2009లో తెలుగుదేశం పార్టీ తరఫున ఆయన ప్రచారం చేశారు. ఈ ప్రచారంలో ఆయన చాలా వరకు సీనియర్ ఎన్టీ రామారావును తలపించారు.

సినీ రంగంలో జూనియర్ ఎన్టీఆర్ తన సత్తా చాటుతూనే ఉన్నాడు. నెమ్మదిగా, ఓపికతో తన లక్ష్యాన్ని సాధించడం జూనియర్ ఎన్టీఆర్ మార్గంగా చెప్పుకోవచ్చు. సినీ రంగంలో ఆయన సంపాదించుకున్న ఇమేజ్‌ను, దాన్ని సొంతం చేసుకున్న తీరును బట్టి చూస్తే మనకు ఆ విషయం అర్థమవుతుంది. నందమూరి కుటుంబ సభ్యుల్లో ఒక్కడిగా గుర్తింపు పొందడానికి ఆయనకు సినీ కెరీర్ ఎంతగానో ఉపయోగపడింది. బాబాయ్ బాలకృష్ణ తప్ప నందమూరి హీరోల్లో జూనియర్ ఎన్టీఆర్‌ను మించినవారు లేరు. ఎన్టీ రామారావు మనవళ్లలో జూనియర్ ఎన్టీఆర్‌దే పైచేయి.

సినీ రంగం ద్వారా తన సత్తా చాటుకున్న జూనియర్ ఎన్టీఆర్ రాజకీయాల్లో కూడా అదే పని చేస్తారా అనే ప్రశ్న ఉదయిస్తోంది. జూనియర్ ఎన్టీఆర్‌కు తండ్రి నందమూరి హరికృష్ణ నుంచి పూర్తి స్థాయి మద్దతు లభించే అవకాశాలున్నాయని అంటున్నారు. తెలుగుదేశం పార్టీ అధ్యక్షుడు నారా చంద్రబాబు నాయుడు తన కుమారుడు లోకేష్‌ను తన వారసుడిగా మందుకు తేవడానికి ప్రయత్నిస్తున్నట్లు ప్రచారం జరుగుతున్న నేపథ్యంలో జూనియర్ ఎన్టీఆర్‌ రాజకీయ ఆరంగేట్రం కోసం నందమూరి హరికృష్ణ సిద్ధం చేసే అవకాశాలు లేకపోలేదని అంటున్నారు.

English summary
Is Jr NTR going to politics seriously? this is the question making rounds in Andhra Pradesh. Jr NTR aim is to follow sr NT Rama Rao in cine field and politics.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X