• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అన్ని చోట్లా సెంటిమెంట్‌దే విజయం

By Pratap
|

K Chandrasekhar Rao-YS Jagan
తెలంగాణలోని ఆరు స్థానాల్లో, కోవూరులో సెంటిమెంటే విజయం సాధించింది. తెలంగాణలోని ఆరు స్థానాల్లో తెలంగాణ రాష్ట్ర సమితి (తెరాస) నాలుగు స్థానాల్లో విజయం సాధించి, తెలంగాణవాదం బలంగా ఉందనే విషయాన్ని తెలియజేసింది. అలాగే, నెల్లూరు జిల్లా కోవూరులో వైయస్ రాజశేఖర రెడ్డిపై సానుభూతి విజయాన్ని అందించింది. తెలంగాణవాదాన్ని బలంగా వినిపించిన బిజెపి మహబూబ్‌నగర్‌లో విజయం సాధించింది. మహబూబ్‌నగర్ స్థానంలో ఒకటి, రెండు స్థానాలను బిజెపి, తెరాస సాధించడం తెలంగాణవాదం సెంటిమెంటు బలాన్ని నిరూపిస్తోందని అంటున్నారు. తెలుగుదేశం పార్టీ నాలుగో స్థానంలో నిలిచింది. 2009 ఎన్నికల్లో తెలుగుదేశం, వామపక్షాలతో కలిసి తెరాస పోటీ చేసింది. అందువల్ల గతంలో తెలుగుదేశం అభ్యర్థులు సాధించిన మెజారిటీకి తెలంగాణవాదం ఓట్లు కూడా కలిశాయని అర్థం చేసుకోవాల్సి ఉంటుంది. కామారెడ్డిలో గతంలో తెలుగుదేశం పార్టీ తరఫున పోటీ చేసిన గంప గోవర్ధన్‌కు గతంలో కన్నా మెజారిటీ తగ్గింది. అయితే, అప్పుడు తెరాస ఓట్లు భారీ మెజారిటీని సాధించి పెట్టాయని చెప్పవచ్చు.

స్టేషన్ ఘనపూర్‌లో టి. రాజయ్య గతంలో కాంగ్రెసు పార్టీ అభ్యర్థిగా విజయం సాధించారు. తెలంగాణవాదాన్ని ఢీకొన్ని ఆయన విజయం సాధించారు. ఆ లెక్కన చూస్తే తెలంగాణవాదం వల్ల టి. రాజయ్య ఇప్పుడు విజయం సాధించారని చెప్పవచ్చు. తెలుగుదేశం పార్టీ అభ్యర్థి కడియం శ్రీహరికి వ్యక్తిగత బలం ఉంది. దానివల్ల అది రెండో స్థానంలో వచ్చిందని చెప్పాల్సి ఉంటుంది. నిజానికి, తెలంగాణ పట్ల తెలుగుదేశం పార్టీ వైఖరి స్పష్టంగా ఉందని ప్రజలు గుర్తిస్తే కడియం శ్రీహరి గెలవాల్సిన అభ్యర్థి. నాగం జనార్దన్ రెడ్డి గతంలో తెలుగుదేశం పార్టీ అభ్యర్థిగా గెలిచారు. ఇప్పుడు తెలుగుదేశం పార్టీని ఎదుర్కుని విజయం సాధించారు. జూపల్లి కృష్ణారావు కూడా గతంలో కాంగ్రెసు అభ్యర్థిగా గెలిచారు. ఇప్పుడు తెరాస అభ్యర్థిగా ఆయన విజయం సాధించారు. ఆదిలాబాద్ కూడా గతంలో తెలుగుదేశం సీటు. ఇప్పుడు అది తెరాస ఖాతాలో చేరిపోయింది.

కోవూరులో వైయస్సార్ కాంగ్రెసు పార్టీ విజయం ఆ పార్టీకి నైతికంగా బలం చేకూర్చేదే. అయితే, వైయస్సార్ కాంగ్రెసు పార్టీ అభ్యర్థి నల్లపురెడ్డి ప్రసన్నకుమార్ రెడ్డి విజయం ఏకపక్షం కాలేదు. గతంలో నల్లపురెడ్డి తెలుగుదేశం పార్టీ తరఫున పోటీ చేసి గెలిచారు. ఇప్పుడది వైయస్సార్ కాంగ్రెసు ఖాతాలో చేరిపోయింది. ఈ మేరకు తెలుగుదేశం, కాంగ్రెసు పార్టీలు తమ స్థానాలను పోగొట్టుకున్న వైనం చూడవచ్చు. కాంగ్రెసు, తెలుగుదేశం పార్టీలు ఏకమైతే తెరాసను, వైయస్సార్ కాంగ్రెసు పార్టీలను ఎదుర్కోగల సత్తాను చూపించగలుగుతాయని అర్థమవుతోంది.

English summary
According to analysts - sentiment has won in all the seats of Telangana and at Kovur.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X