అఫీషియల్ గా పవన్ కళ్యాణం?

ప్రజారాజ్యం పార్టి ప్రజలకు ఏ రకంగా సేవ చేస్తుందో కానీ ప్రస్తుతం చిరంజీవి కుటుంబంలో మాత్రం సమూలంగా మార్పులు తెస్తోంది. తాజాగా మొదటి భార్య నందినితో విడాకుల తీసుకున్న పవన్ కళ్యాణ్ తనతో కలసి ఉంటున్న రేణు దేశాయి ని అఫీషియల్ గా వివాహం చేసుకోవటానికి ఏర్పాట్లు చేస్తున్నట్లు తెలుస్తోంది. అప్పట్లో నందిని వీరిద్దరి రిలేషన్ పై కేసు వేయటంతో వార్తల్లో నిలిచి విమర్శలుకి స్ధానమిచ్చింది. ఈ లివ్ ఇన్ రిలేషన్ షిప్ కి ఇక ముగింపు పలికితే మేలని అన్న మెగాస్టార్ సూచించినట్లు తెలుస్తోంది. అందులోనూ ప్రజారాజ్యం పార్టీ పెట్టాక ప్రజల్లోకి తరుచూ వెళ్ళాల్సి వస్తుందని ఎవరికి ఈ అంశంపై మాట్లేడే అవకాశం ఇవ్వకూడదని నిర్ణయించుకున్నట్లు చెప్పారట.

ఇక పవన్- నందినిలకు 1997 మార్చిలో పెళ్ళి జరిగింది. కొద్ది కాలానికే వారిద్దరి మధ్య మనస్పర్ధలు ఏర్పడ్డాయి. దానికి సంబంధించిన ఆధారాలతో నందిని కోర్టుకు వెళ్లింది. ఈ కేసు చాలాకాలంగా న్యాయస్ధానంలో విచారణలో ఉంది.ఈ కేసుల్లో పవన్ కళ్యాణ్ అన్న చిరంజీవితో పాటు మరో 12 మందిని ఆమె ప్రతివాదులుగా పేర్కొన్నారు.కొంతకాలం న్యాయస్ధానాల్లో విచారణలు జరిగిన తర్వాత తనకు 8 కోట్ల పరిహారం ఇవ్వాలని నందిని డిమాండ్ చేసింది. ఇరువైపులా ఉన్న న్యాయవాదులు 5 కోట్లకు కోర్టు వెలుపల పరిష్కారానికి రాజీ కుదిర్చినట్టు తెలుస్తోంది.

ఇక ఇప్పుడు అందరికీ తెలిసే విధంగా పెద్దల సమక్షంలో పెళ్ళి జరిగితే ఏ ప్లాబ్లం ఉండదని చెప్పారని నిర్ణయించారుట. అయితే ఇప్పటికే అకిరా (కుమారుడు) ఉండటంతో వివాహం ఘనంగా చేసుకుంటే బాగుండదని పవన్ అభిప్రాయపడినట్లు తెలుస్తోంది. రాజకీయాల్లోకి తమ కుటుంబం వస్తున్న ఈ సమయంలో అంతా క్లీన్ చిట్ తో ఉండటం మేలని శ్రేయోభిలాషులు చిరంజీవికి సూచించటమే దీనికి కారణమని తెలుస్తోంది.