రేణుకా చౌదరి కమాల్, ఎందరో డమాల్

కేంద్ర మహిళా సంక్షేమ శాఖ సహాయ మంత్రి రేణుకా చౌదరి ఇప్పుడు ఫుల్ స్వింగ్ లో ఉన్నారు. ఖమ్మం జిల్లాకు సంబంధించి తిరుగులేని నాయకురాలిగా ఆమె ఇప్పటికే ఎదిగారు. ఢిల్లీలో కూడా ఆమె హవా తక్కువేమీ కాదు. రాహుల గాంధీని, సోనియాగాంధీని ఎప్పుడంటే అప్పుడు కలుసుకునే చనువు అమెకు ఉంది. రాష్ట్రం నుంచి ఎంత మంది కేంద్ర సహాయ మంత్రులు రాలిపోయినా రేణుకా చౌదరి మాత్రం నెగ్గుకుని వస్తున్నారు. ఇంగ్లీషు, హిందీ భాషల్లో మంచి ప్రావీణ్యంతో పాటు మంచి సోషలైట్ కావడం, అన్ని రాష్ట్రాల నాయకులతో అలవోకగా కలిసి పోవడం రేణుకా చౌదరి ప్రత్యేకతలు.

వచ్చే ఎన్నికల్లో కాంగ్రెస్ నాయకత్వంలోని కూటమి కేంద్రంలో అధికారంలోకి వస్తే, ఇక్కడ నుంచి రేణుకా చౌదరి మళ్ళీ ఎంపీగా ఎన్నికైతే ఆమెకు కేబినెట్ మంత్రి పదవి ఖాయమని ఆమె శిబిరంలోని వారు చెప్పుకుంటున్నారు. అందం, ఆకర్షణతో పాటు మంచి డైనమిజం ఉన్న రేణుకా చౌదరి వంటి మహిళా నాయకులు పెద్ద సంఖ్యలో రాజకీయాల్లోకి వచ్చి సమాజంలో మార్పు తేవలసిన అవసరం ఉంది.