ఇస్రో మరో చారిత్రాత్మక విజయం.. నింగిలోకి దూసుకెళ్లిన ఎన్వీఎస్-03

భారత అంతరిక్ష పరిశోధనా సంస్థ(ఇస్రో) మరో చారిత్రాత్మక విజయ సాధన దిశగా అడుగులు వేసింది. భారత్ కు చెందిన స్వదేశీ జీపీఎస్ వ్యవస్థ నావిక్ సామర్థ్యాన్ని, సేవల నిరంతరాయాన్ని మరింత పెంచేందుకు రూపొందించిన 'ఎన్వీఎస్-03' నావిగేషన్ ఉపగ్రహ ప్రయోగం విజయవంతమైంది. ఆంధ్రప్రదేశ్‌లోని శ్రీహరికోటలో ఉన్న సతీష్ ధావన్ స్పేస్ సెంటర్ నుంచి జీఎస్ఎల్వీ-ఎఫ్18 రాకెట్ ద్వారా ఈ ఉపగ్రహాన్ని శుక్రవారం రాత్రి సరిగ్గా 11:51 గంటలకు నింగిలోకి పంపించారు.

20వ మైలురాయిగా జీఎస్ఎల్వీ రోదసి యాత్ర
దాదాపు 50 మీటర్ల ఎత్తు, 2,250 కిలోల బరువు కలిగిన ఎన్వీఎస్-03 ఉపగ్రహాన్ని మోసుకుంచూ మూడు దశల జీఎస్ఎల్వీ-ఎఫ్18 రాకెట్ రెండో ప్రయోగ వేదిక నుంచి విజయవంతంగా దూసుకెళ్లింది. భారత్ తయారు చేసిన జీఎస్ఎల్వీ సిరీస్ లో ఇది 20వ ప్రయోగం కావడం విశేషం. ఈ రాకెట్ ఉపగ్రహాన్ని ప్రథమంగా భూ బదిలీ కక్ష్యలోకి ప్రవేశపెట్టింది. ఒకప్పుడు వరుస వైఫల్యాలతో 'నాటీ బాయ్'గా పిలువబడిన జీఎస్‌ఎల్వీ రాకెట్.. వరుస విజయాల అనంతరం 'స్మార్ట్ బాయ్'గా పేరు తెచ్చుకుని మరోసారి తన నమ్మకాన్ని నిలబెట్టుకుంది. కక్ష్యలోకి ప్రవేశించిన అనంతరం ఉపగ్రహం తనలోని ఇంజిన్ల ద్వారా 32.5 డిగ్రీల ఈస్ట్ వద్ద నిర్దేశిత స్థిర కక్ష్యలోకి చేరుకోనుంది.

ఎన్వీఎస్-03 ఉపగ్రహ ప్రత్యేకతలు ఇవే..
ఈ ఉపగ్రహంలో భారత్ సొంతంగా తయారు చేసిన అణు గడియారాన్ని(స్వదేశీ అటామిక్ క్లాక్) అమర్చారు. ఇది అత్యంత కచ్చితమైన సమయాన్ని, సమాచారాన్ని అందిస్తుంది. ప్రస్తుతం ఉన్న ఎల్5, ఎస్-బ్యాండ్ సిగ్నళ్లతో పాటు కొత్తగా ఎల్1 నావిగేషన్ సిగ్నల్ ను కూడా ఈ ఉపగ్రహం ద్వారా అందుబాటులోకి తెస్తున్నారు. దీనవల్ల సాధారణ స్మార్ట్ ఫోన్లు, నావిగేషన్ పరికరాల్లో నావిక్ సేవలు మరింత సులభంగా అందుతాయి. భారత సరిహద్దులతో పాటు చుట్టూ ఉన్న 1,500 కిలోమీటర్ల పరిధి వరకు రవాణా, సముద్రయానం, రక్షణ రంగానికి అవసరమైన పొజిషనింగ్ సేవలను ఇది అందిస్తుంది.

రక్షణ రంగంలో కీలక పాత్ర
మనదేశానికి స్వదేశీ నావిక్ సిగ్నల్స్ అత్యంత కీలకమైనవి. ముఖ్యంగా ఆపరేషన్ సింధూర్ వంటి రక్షణ రంగ సైనిక చర్యలు, వ్యూహాత్మక అవసరాలు, భూ, వైమానిక, సముద్రయానాల్లో ఖచ్చితమైన సమాచారాన్ని అందించడానికి నావిక్ వ్యవస్థ ఎంతో ఉపయోగపడుతుంది. ఈ ఉపగ్రహ రాకతో భారత నావిగేషన్ వ్యవస్థ మరింత పటిష్టమైంది.

GSLV-F18 lifts off with NVS-03 from Sriharikota at 11:51 PM IST (18:21 UTC), 30 Oct. It's the 20th GSLV flight, carrying India's next NavIC navigation satellite.Orbital launch #246 of 2026, #3 from India, #2 for ISRO.More details: https://t.co/mQTjIVIM2a https://t.co/m1R69PFas5

— The Space Road (@thespaceroad) October 30, 2026

English summary

ISRO launches NVS-03 navigation satellite aboard GSLV-F18 from Sriharikota. Check NavIC coverage, indigenous atomic clock, and L1 signal features.