చిరంజీవి కోడలు ఎవరు?

చిరంజీవికి ప్రజలు బ్రహ్మరథం పట్టవచ్చేమో కానీ ఆయన కుటుంబ వ్యవహారాలు ఆయన చేతుల్లో లేవన్న విషయం గతంలో కొన్ని సందర్భాల్లో బయటపడింది. ఇద్దరు కుమార్తెల వివాహాల విషయం వివాదాస్పదం కావడం తెలిసిందే. ఈ నేపధ్యంలో కుమారుడు రామ్ చరణ్ తేజ మాత్రం తండ్రికి బాధ కలిగించకూడదన్న పద్ధతిలో వ్యవహరిస్తున్నట్టు తెలుస్తోంది. ప్రేమ వివాహం చేసుకుని తండ్రికి బాధ కలిగించడం ఇష్టం లేని రామ్ చరణ్ తమ కులానికే చెందిన అనంతపురం బిజినెస్ మ్యాన్ కూతురిని పెళ్ళి చేసుకోడానికి సిద్ధమవుతున్నట్టు సమాచారం.

అబ్బాయి సలక్షణంగా ఫ్యామిలీ టైపులో ఉన్నాడని చిరంజీవి భార్య సురేఖ ఎంతో ఆనందిస్తున్నారు. సురేఖ నోటి నుంచి ఈ విషయం విన్న చిరంజీవి ఇంకా ఆనందంగా ఉన్నట్టు సమాచారం. పుత్రోత్సాహం అంటే ఇదేనేమో. కాబోయే మామగారు రామ్ చరణ్ తో ఒక సినిమా నిర్మించబోతున్నట్టు సమాచారం. సర్వే జనా సుఖినోభవంతు.