ప్రపంచవ్యాప్తంగా ఓటీటీలో నెం.1 తెలుగు స్టార్ హీరో అతనొక్కడే
ప్రపంచవ్యాప్తంగా డిజిటల్ ప్లాట్‌ఫారమ్‌లలో భారతీయ సినిమాలకు ఆదరణ రోజురోజుకూ విపరీతమైన స్థాయికి చేరుతోంది. ముఖ్యంగా థియేట్రికల్ రిలీజ్ తర్వాత డిజిటల్ వ్యూయర్‌షిప్, గ్లోబల్ రీచ్ పరంగా రెబల్ స్టార్ ప్రభాస్ అంతర్జాతీయ డిజిటల్ మార్కెట్‌లో సరికొత్త అధ్యాయాన్ని లిఖిస్తూ అగ్రస్థానంలో కొనసాగుతున్నారు. ఇండియన్ బాక్సాఫీస్ వద్దే కాకుండా డిజిటల్ ప్రపంచంలోనూ తన మేనియాతో సరికొత్త రికార్డులను తిరగరాస్తున్నారు.
బాహుబలితో మొదలైంది
'బాహుబలి' సిరీస్‌తో మొదలైన ప్రభాస్ గ్లోబల్ ప్రయాణం 'సలార్', 'కల్కి 2898 AD' వరకు నిరంతరాయంగా సాగుతోంది. ఈ చిత్రాలు నెట్‌ఫ్లిక్స్, అమెజాన్ ప్రైమ్ వీడియో వంటి ప్రముఖ అంతర్జాతీయ ప్లాట్‌ఫారమ్‌లలో విడుదలైన నాటి నుంచే ట్రెండింగ్ చార్ట్స్‌లో అగ్రస్థానాన్ని కైవసం చేసుకున్నాయి. కేవలం భారతీయ ప్రేక్షకులు మాత్రమే కాకుండా, విదేశీ వీక్షకులు కూడా ఈ సినిమాలను విశేషంగా ఆదరించడంతో డిజిటల్ వ్యూయర్‌షిప్‌లో ప్రభాస్ సరికొత్త రికార్డులు నెలకొల్పారు.
ప్రముఖ మీడియా విశ్లేషణ సంస్థ ఓర్మాక్స్ మీడియా నివేదికల ప్రకారం, దేశవ్యాప్తంగానే కాకుండా అంతర్జాతీయంగా కూడా అత్యంత ప్రజాదరణ ఉన్న భారతీయ నటుడిగా ప్రభాస్ నంబర్ వన్ స్థానాన్ని పదిలంగా కాపాడుకుంటున్నారు. పాన్-ఇండియా మార్కెట్‌ను దాటి గ్లోబల్ స్టార్‌గా ఎదిగిన ఆయనకు ఉన్న మాస్ ఫాలోయింగ్, ప్రతీ భాషలోనూ ఆయన సినిమాలకు లభించే వ్యూస్ డిజిటల్ వేదికలపై సరికొత్త ట్రెండ్‌ను సెట్ చేస్తున్నాయి.
రికార్డు స్థాయికి అమ్ముడుపోతున్నాయి
ప్రభాస్ నటించే ప్రతీ చిత్రం డిజిటల్ హక్కులు అంతర్జాతీయ స్థాయిలో ఊహించని రీతిలో రికార్డు ధరకు అమ్ముడవుతుండటం ఆయనకున్న డిమాండ్‌కు నిదర్శనం. థియేటర్లలోనే కాకుండా, డిజిటల్ ప్లాట్‌ఫారమ్‌లలో మిలియన్ల కొద్దీ వ్యూయింగ్ అవర్స్ సాధిస్తూ ప్రభాస్ ఓటీటీ రంగంలోనూ తిరుగులేని 'గ్లోబల్ డిజిటల్ కింగ్'గా తన సత్తాను చాటుతున్నారు.
Click it and Unblock the Notifications
Sign in with Google
